2 کاتژمێر پێش ئێستا
174 جار خوێنراوەتەوە
دوو سەربازی ئیسرائیلی بەتۆمەتی سیخوڕیكردن بۆ ئێران دەستگیركران
پەیام
دوو سەربازی قەوارەی ئیسرائیل بە تۆمەتی سیخوڕی بۆ كۆماری ئیسلامیی ئێران دەستگیر كران و بەرپرسێكیش دەڵێت: گومان دەكرێت پێگەكانیان بۆ گەیشتن بە زانیاری و كەسایەتییە باڵاكان بەكار هێنابێت.
میدیاكانی قەوارەی ئیسرائیل لە زاری بەرپرسێكی سەربازی بڵاویان كردەوە: ئەو دوو سەربازە نزیكەی مانگێكە بە تۆمەتی سیخوڕی بۆ ئێران دەستگیر كراون و لێكۆڵینەوە لەو پرسە ئەمنییە مەترسیدارە بەردەوامە.
بە وتەی ئەو بەرپرسە گومان دەكرێت كارمەندانی هەواڵگری ئێران ئەو دوو سەربازە ئیسرائیلیەیان ڕاكێشابێت بۆ كاری سیخوڕی و سەربازەكان پێگەكانیان بۆ گەیشتن بە زانیاری لەبارەی سیستمی سەربازیی و پێگە و كەسایەتیە باڵاكان قۆستووەتەوە.
بە پێی لێكۆڵینەوەكان، بابەتەکە تەنیا پەیوەست نییە بەو دوو سەربازەوە، بەڵكو پەیوەندیدارە بە تۆڕێكی فراوانتر و لە ماوەكانی ڕابردوو سەربازی دیكەی قەوارەی ئیسرائیل بە تۆمەتی سیخوڕیكردن بۆ ئێران، لەوانە ئەندامانی یەكەی سەربازیی هەستیار لەنێویاندا یەكەی سیستمی بەرگری ئاسمانی دەستگیر كراون.
لە تۆڕە کۆمەڵایەتیەکان شەیری بکە