3 کاتژمێر پێش ئێستا
121 جار خوێنراوەتەوە
ئێران تەقە لە کەشتییەکی گواستنەوە لە نزیک کەناراوەکانی عومان دەکات
پهیام
دەستەی ئۆپەراسیۆنە دەریاییەکانی بەریتانیا ڕایگەیاند کەشتییەکی گواستنەوە لەلایەن بەلەمێکی سوپای پاسدارانەوە لە نزیک کەناراوەکانی عومان تەقەی لێکراوە.
دەستەی ئۆپەراسیۆنە دەریاییەکانی بەریتانیا بڵاویکردەوە، ڕاپۆرتێکیان پێگەیشتووە سەبارەت بە ڕووی داوێکی ئەمنی لە دووری ١٥ میل لە باکووری خۆرهەڵاتی سوڵتاننشینی عــومان، کە تێیدا کەشتییەکی گواستنەوە بەهۆی تەقەی بەلەمێکی سەربازیی سەر بە سوپای پاسدارانی ئێرانەوە زیانی بەرکەوتووە.
لەم چوارچێوەیەدا، دۆناڵد ترەمپ سەرۆکی ئەمریکا ڕایگەیاند ئێران لە لێواری داڕووخانی دارایی دایە و ڕۆژانە ٥٠٠ ملیۆن دۆلار زیان دەکات. ترەمپ ئاماژەی بەوەش کرد کە تاران بەهۆی بێبەریبوونی لە نەختینە و کێشەی مووچەی هێزە ئەمنییەکانی، داوای کردنەوەی دەستبەجێی گەرووی هورمز دەکات.
سەرۆکی ئەمریکا هۆشداریی دا کە کردنەوەی گەرووی هورمز بەبێ گەیشتنە ڕێککەوتن، بژاردەیەکی قبوڵکراو نییە و جەختی لەوە کردەوە کە واشنتن فشارەکانی بۆ سەر سەرکردەکانی ئەو وڵاتە توندتر دەکاتەوە.
لە تۆڕە کۆمەڵایەتیەکان شەیری بکە