2 کاتژمێر پێش ئێستا
44 جار خوێنراوەتەوە
وەزیری دەرەوەی ئێران دوابەدوای سەردانەكەی بۆ عومان گەڕایەوە پاكستان
پەیام
وەزیری دەرەوەی ئێران دوابەدوای سەردانەكەی بۆ عومان گەڕایەوە پاكستان و ڕایگەیاند: داوای ڕێوشوێنێكی دەستەجەمعی بۆ ئاسایشی ناوچەكە دەكەین، بەڵام دوور لە دەستوەردانی ئەمریكا.
ئاژانسی هەواڵی تەسنیم بڵاوی كردەوە: عەباس عەراقچی وەزیری دەرەوەی كۆماری ئیسلامیی ئێران دوابەدوای سەردانەكەی لە پاكستانەوە بۆ عومان، جارێكی دیكە گەڕایەوە پاكستان.
سەرچاوە پاكستانییەكانیش ڕایانگەیاند: گەیشتووەتە بنكەی سەربازیی نورخان لە نزیك ئیسلامابادی پایتەخت.
بەر لە گەڕانەوەی بۆ پاكستان، وەزیری دەرەوەی ئێران لەگەڵ سوڵتانی عومان كۆ بووەوە و بە پێی ڕاگەیەنراوێكیش لە كۆبوونەوەكەدا پرسی ئاسایشی كەشتیوانی لە گەرووی هورمز و ئاسایشی كەنداو و كەنداوی عومان باسوخواسی لێ كراوە.
لە كۆبوونەوەكەدا عەراقچی و بن تارق بەسیان لە نوێترین پێشهاتەكانی دانوستانی ئێران و ئەمریكا بۆ كۆتاییهێنان بە جەنگ بە نێوەنگیری پاكستان كردووە.
دوابەدوای كۆبوونەوەكە، وەزیری دەرەوەی ئێران ڕایگەیاند: داوای رێوشوێنێكی ئاسایشی دەستەجەمعی دوور لە دەستوەردانی ئەمریكا بۆ ناوچەكە دەكەین.
عەراقچی ڕایشیگەیاند: جەنگی سەر ئێران دەریخست كە بوونی سەربازیی ئەمریكا لە ناوچەكە دەبێتە هۆی نەمانی ئاسایش و دابەشبوون.
ئەمەو بڕیارە دوابەدوای گەڕانەوەی بۆ پاكستان، وەزیری دەرەوەی ئێران سەردانی ڕووسیا بكات.
لە تۆڕە کۆمەڵایەتیەکان شەیری بکە