بەهۆی مۆبایلەوە مرۆڤ ساڵانە 120 هەزار وشە كەمتر دەدوێت

پەیام

لێكۆڵینەوەیەكی نوێ ئاشكرای دەكات بەهۆی بەكارهێنانی مۆبایلی زیرەكەوە، مرۆڤ ساڵانە 120 هەزار وشە كەمتر دەدوێت، ئەمەش هەڕەشەیە بۆ سەر كارامەییەكانی پەیوەندیی كۆمەڵایەتی و كارلێكی ڕاستەوخۆ لەنێوان مرۆڤەكاندا.

توێژینەوەیەك كە لە زانكۆكانی میسوری-كانساس سیتی و ئەریزۆنا ئەنجام دراوە، دەری خستووە بڵاوبوونەوەی مۆبایلی زیرەك و بەرنامەكانی نامەناردن بووەتە هۆی كەمبوونەوەی قسەكردنی مرۆڤ بە ڕێژەی 28%. 

بەپێی توێژینەوەكە، تاك بە تێكڕا ڕۆژانە 338 وشە كەمتر لە جاران دەدوێت، كە دەكاتە 120 هەزار وشە لە ساڵێكدا و ئەمەش بە واتای لەدەستدانی هەزاران كارلێكی ڕووبەڕوو دێت.

توێژەران بە پشتبەستن بە تۆمارە دەنگییە سروشتیەكانی زیاتر لە 2000، ئاماژە بەوە دەدەن كە لە ساڵی 2005دا تێكڕای وشە گوتراوەكانی مرۆڤ 15 هەزار و 900 وشە بووە، بەڵام لە 2019دا بۆ 12 هەزار و 700 وشە دابەزیوە. 

نەوەی نوێ، یان ئەوەی پێی دەترێت "نەوەی زێد" زۆرترین زیانیان بەر كەوتووە بەهۆی وابەستەبوونی تەواویان بە تەكنەلۆژیاوە. پسپۆڕان هۆشداری دەدەن كە ئەم گۆڕانكارییە دەبێتە هۆی لەدەستدانی كارامەییە كۆمەڵایەتییە گرنگەكانی وەك نەبرەی دەنگ، كات و ئاماژە سۆزدارییەكان كە تەنها لە ڕێگەی قسەكردنی ڕووبەڕووەوە دەردەكەون، ئەمەش مەترسی دروستكردنی بۆشایی كۆمەڵایەتی و كەمبوونەوەی كارلێكی مرۆیی ڕاستەوخۆی لێ دەكرێت كە بۆ پەرەپێدانی پەیوەندییەكان پێویستن.