سەرۆکوەزیرانی عێراق ڕەزامەندی لەسەر هاوردەکردنی پێنج ملیۆن لیتر بەنزین دا

کۆمپانیای دابەشکردنی بەرهەمە نەوتییەکان لە عێراق ڕایگەیاند، عەلی فالح زەیدی سەرۆک وەزیران ڕەزامەندی داوە لەسەر هاوردەکردنی پێنج ملیۆن لیتر بەنزینی سوپەر و موحەسەن بۆ پڕکردنەوەی کورتهێنان. 
حسێن تالیب، بەڕێوەبەری کۆمپانیاکە ئاماژەی پێ کرد کە یەکەم کاروانی ئەم هاوردە بەپەلەیە سەرەتای هەفتەی داهاتوو یەکشەممە دەگاتە وڵات. 
عێراق ڕۆژانە پێویستی بە ٣٣ ملیۆن لیتر بەنزینە، کە تەنها بەغداد ١٠ ملیۆنی لێ خەرج دەکات. حکومەت هەر لیترێک بەنزین بە ٤٥٠ دینار دەداتە هاووڵاتییان و لەسەر هاووڵاتیان گرانی نەکردووە. 
عێراق بۆ پڕکردنەوەی کورتهێنان بڕێکی زۆر بەنزینی سوپەر هاوردە دەکات