1 کاتژمێر پێش ئێستا
114 جار خوێنراوەتەوە
نەعیم قاسم: پلانی ئەمریكا و ئیسرائیل بۆ لەناوبردنی حیزبوڵڵا شكستی هێنا
پەیام
ئەمنیداری گشتیی حزبوڵڵای لوبنان ڕایدەگەیەنێت: لوبنان لە مەترسیدارترین قۆناغدایە و پلانی ئەمریكا و ئیسرائیل بۆ لەنێوبردنی حیزبوڵڵا شكستی هێناوە.
نەعیم قاسم، ئەمینداری گشتیی حیزبوڵڵا لە وتارێكی ڤیدیۆییدا دوای ڕاگەیاندنی ئاگربەستەكەیان لەگەڵ قەوارەی ئیسرائیل ڕایگەیاند: لوبنان بە یەكێك لە مەترسیدارترین قۆناغەكانی مێژووی خۆیدا تێدەپەڕێت. ئەمریكا و ئیسرائیل پلانێكی 12 خاڵییان بۆ لەنێوبردنی تەواوەتیی حیزبوڵڵا داڕشتبوو، بەڵام حیزبەكەی بە پلانێكی بەرپەرچدانەوە توانیویەتی ئەو پڕۆژەیە پەك بخات.
نەعیم قاسم ئاماژەی بەوەش كرد "واشنتۆن و تەلئەبیب هەوڵیان داوە لە ڕێگەی گەمارۆی دارایی، داخستنی مەرزەكان و نانەوەی فیتنەی مەزهەبی لە نێوان سوننە و شیعەدا، حیزبوڵڵا ڕادەست بكەن، بەڵام هۆشیاریی خەڵك و سوپای لوبنان ڕێگر بوو".
قاسم جەختی كردەوە كە ناگەڕێنەوە بۆ دۆخی پێش دووی ئاداری ئەمساڵ و سوپای قەوارەی زایۆنی ناچار دەبێت لەو ناوچانەی داگیری كردوون پاشەكشە بكات.
سەبارەت بە ئاگربەستەكە كە لە كاتژمێر چواری پاشنیوەڕۆی ئەمڕۆوە دەستیپێكرد، قاسم وتی: سەركەوتنی ئێمە لەوەدایە كە نەمانهێشت دوژمن بە ئامانجەكانی بگات، زیانی قورسیش بە واتای شكستهێنان نییە، حیزبوڵڵاش بە داڕشتنەوەی پێكهاتە سەربازییەكەی بۆ هەر ڕووبەڕووبوونەوەیەكی ئامادەیە.
لە تۆڕە کۆمەڵایەتیەکان شەیری بکە