1 کاتژمێر پێش ئێستا
151 جار خوێنراوەتەوە
ئەمریكا هەڕەشەی بڕینی غازى سروشتی لە ئەوروپا دەكات
پەیام
واشنتن هەڕەشەی گۆڕینی ئاراستەی هەناردەی غازەكەی بۆ دەرەوەی ئەوروپا دەكات، ئەگەر یەكێتییەكە پێداچوونەوە بە یاساكانی تایبەت بە كەمكردنەوەی غازی میساندا نەكات.
ئەمریكا هۆشداری دەداتە یەكێتیی ئەوروپا كە ئەگەر یاسا ژینگەییەكان و ڕێكارەكانی كەمكردنەوەی دەردانی غازی میسان هەموار نەكرێنەوە، هەناردەی غازی سروشتی بۆ بازاڕەكانی دیكەی جیهان دەگۆڕێت.
كریس ڕایت، وەزیری وزەی ئەمریكا ڕایگەیاند، ئەوروپا ڕووبەڕووی "ئازارێكی سەخت" دەبێتەوە ئەگەر چاكسازی لە یاساكانیدا نەكات، چونكە غازی ئەمریكا دەكرێت بەرەو شوێنی دیكە ئاراستە بكرێت.
ئەم هەڕەشەیە لە كاتێكدایە كە ئەوروپا بە قورسی پشت بە غازی ئەمریكی دەبەستێت، بەجۆرێك 59%ی هاوردەی غازی شلی ئەوروپا لە ئەمریكاوە دێت، بەتایبەت دوای داخستنی گەرووی هورمز و كەمبوونەوەی غازی ڕووسی.
لە بەرانبەردا، دان یۆرگنسن، كۆمیسیاری وزەی یەكێتیی ئەوروپا، جەختی لە پابەندبوونی برۆكسل بە پاراستنی ژینگە كردەوە و هەموو جۆرە گوشارێكی ئەمریكای بۆ هەمواركردنەوەی یاساكان ڕەت كردەوە.
واشنتن پێشتر هۆشداری دابوو كە سەپاندنی غەرامە و یاسای توند لەسەر كۆمپانیاكان، كار دەكاتە سەر بەردەوامیی بازرگانی غاز لەنێوان هەردوو لایەندا.
لە تۆڕە کۆمەڵایەتیەکان شەیری بکە