عێراق.. لیژنەی دارایی و دیوانی چاودێریی لەبارەی بنەبڕكردنی گەندەڵی کۆبوونەوە

پەیام

لیژنەی دارایی ئەنجوومەنی نوێنەرانی عێراق لەگەڵ دیوانی چاودێریی دارایی لەبارەی هەوڵەكانی بنەبڕكردنی گەندەڵی و پاراستنی سامانی گشتی كۆ بووەوە.

بە ئامادەبوونی سەرۆك و ئەندامانی، لیژنەی دارایی ئەنجوومەنی نوێنەرانی عێراق میوانداریی سەرۆكی دیوانی چاودێریی دارایی و كادری پێشكەوتووی دیوان كرد و گفتوگۆیان لەبارەی ڕۆڵی دیوانی چاودێریی دارایی لە پڕۆسەی بنەبڕكردنی گەندەڵیی ئیداری و دارایی و گرنگیی بوونی هەماهەنگی لەنێوان لیژنەكە و دیواندا كرد.
لەوبارەوە، ئەندامێكی ئەنجوومەنی نوێنەران بەشدار لە كۆبوونەوەكە بە پەیامی ڕاگەیاند: بانگهێشتەكە بۆ پرسیار و ڕاگۆڕینەوە بوو  بەتایبەت كە دیوانی چاودێریی دارایی دامەزراوەیەكی گرنگە، بۆیە پێویستە لیژنەی دارایی پەیوەندیی بەردەوامی لەگەڵ هەبێت.