ماڵپەری شەفافیەت: داهاتی ئەم هەفتەیەی سلێمانی سێ ملیار دینار کەمیکردووە

پەیام 

ماڵپەری شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان داهاتی ئەم هەفتەیەی بڵاوکردەوە کە زیاتر لە شەش ملیار دینارە.

ئەمڕۆ هەینی، ماڵپەری شەفافیەت بڵاویکردەوە، داهاتی یەک هەفتە لە رۆژی(11ـی7ـی2026 بۆ 17ـی7ـی2026) داهاتی نانەوتی، لە سلێمانی و هەڵەبجە و هەردوو ئیدارەی راپەڕین و گەرمیان، شەش ملیار و 748 ملیۆن و 253 هەزار دینار بووە.

ئاشکراشیکرد، لەو داهاتە لە  87%ی بەشێوەی نەختینەیە و 13%ی داهاتەكە بەشێوەی چەكە.

بەراورد بە هەفتەی رابردوو كە داهات 10 ملیار و 210 ملیۆن دینار بووە زیاتر لە سێ ملیار دینار داهات کەمیکردووە.