زەیدى، گەڕانەوەی حەوت بانكی عێراقى بۆ ئاڵوگۆڕی دەرەكیی دراو ڕاگەیاند

پەیام  

سەرۆكوەزیرانی عێراق گەڕانەوەی حەوت بانكی وڵاتەكەی وەك كەناڵی ئاڵوگۆڕی دەرەكیی دراو ڕاگەیاند.

لە تویتێكدا لە تۆڕی ئێكس، عەلی زەیدی سەرۆكوەزیرانی عێراق پێشوازیی لەو لێكتێگەیشتنە كرد كە لەنێوان بانكی ناوەندیی عێراق و وەزارەتی گەنجینەی ئەمریكا ئەنجام درا و بە هەنگاوێكی گرنگ لە ڕێڕەوی چاكسازیی كەرتی بانكی و بەهێزكردنی تێكەڵبوون لەگەڵ سیستمی دارایی جیهان ناوی برد.

لە نووسینەكەیدا لە تۆڕی ئێكس، سەرۆكوەزیرانی عێراق گەڕانەوەی حەوت بانكی وڵاتەكەیشی بۆ كەناڵی ئاڵوگۆڕی دەرەكیی دراو بە دراوی دیكە وەك پێشەكییەك بۆ شایستەیی ئەو حەوت بانكەی عێراق بە مامەڵەكردن بە دۆلارەوە ناو برد و ڕایشیگەیاند: ئەم هەنگاوە متمانە بە كەرتی بانكیی عێراق بەهێز دەكات و ئاسۆیەكی فراوان لە بەرانبەر ئابووری نیشتمانیی و وەبەرهێنان دەكاتەوە.

سەرۆكوەزیرانی عێراق بەڵێنی پاڵپشتی لە چاكسازی دارایی و بانكی و چەسپاندنی بنەماكانی شەفافییەت و حەوكەمە دەدات بەشێوەیەك كە خزمەت بە بەرژەوەندییەكانی عێراق بكات و پێگە ئابوورییەكەی لەسەر ئاستی ناوچەیی و نێودەوڵەتی بەهێز بكات.