كۆمپانیا نەوتییە نێودەوڵەتییەكان بەرهەمهێنانیان لە هەرێمی كوردستان ڕاگرت

پەیام

كۆمپانیا نەوتییە نێودەوڵەتییەكانی هەرێمی كوردستان بەهۆی تێكچوونی دۆخی ئەمنی و پەرەسەندنی ململانێی نێوان ئەمریكا و ئێران بەرهەمهێنانیان بە شێوەیەكی دەستبەجێ ڕاگرت.

بەرپرسانی عێراقی و سەرچاوەكانی كەرتی پیشەسازی بۆ ماڵپەڕی "مۆنیتۆر" دووپاتیان كردەوە كە كۆمپانیا بیانییەكان بەهۆی مەترسییەكانی پەرەسەندنی جەنگی نێوان واشنتن و تاران بڕیاری وەستاندنی پڕۆسەی بەرهەمهێنانی نەوتیان لە هەرێمی كوردستان داوە. 

هاوكات ئەم زانیارییانە لە كاتێكدایە پێشتر لە مانگی ئاداری ڕابردوودا، كۆمپانیای ئێچ كەی ئێن-ی ئەمریكی ناچار بوو بەرهەمهێنان لە كێڵگەی سەرسەنگ لە پارێزگای دهۆك ڕابگرێت، ئەوەش دوای ئەوەی لە لایەن گرووپی كەتائیبی حزبوڵڵاوە هێرشی كرایە سەر.

ئەم هەنگاوە لە كاتێكدایە كە عەلی فالح زەیدی سەرۆكوەزیرانی عێراق لە یەكەم گەشتی فەڕمییدا بۆ ئەمریكا، چەندین ڕێككەوتن و یاداشتی لێكتێگەیشتنی لەگەڵ كۆمپانیا ئەمریكییەكان واژوو كردووە كە زۆربەیان لە كەرتی نەوتدان، لە بەرانبەردا ئیدارەی ئەمریكا بۆ پاراستنی كۆمپانیاكانیان لە ناو خاكی عێراقدا داوای گەرەنتیی ئەمنیی كردووە.