ترەمپ: بەردەوام دەبین لە لێدانی بەهێز و هێرشی گەورە بۆ سەر ئێران

پەیام

دۆناڵد ترەمپ سەرۆكی ویلایەتە یەكگرتووەكانی ئەمریكا لە لێدوانێكدا بۆ فۆكس نیوز ڕایگەیاند: ئۆپراسیۆن لە دژی ئێران بە باشی بەڕێوە دەچێت، بەردەوام دەبین لە لێدانی بەهێز و هێرشی گەورە بۆ سەر ئێران، لە كۆتاییشدا هەر پاشەكشە دەكات.

دۆناڵد ترەمپ بەبێ ئەوەی وردەكاریی باس بكات ڕایگەیاندووە: هەموو ئەوەی لەسەرمانە بیكەین، بەردەوامیدانە بە سەكەوتن و بەرەوپێشچوون، لەسەر ئەمەش بەردەوام دەبین و لە كۆتاییدا شتێك لەبارەی ئێرانەوە ڕوو دەدات.

سەرۆكی ئەمریكا ڕاشیگەیاندووە: لە كۆتاییدا هیچ شتێك لەبەردەم ئێراندا نییە جگە لە سازش و پاشەكشە.

ئەم لێدوانانە لە كاتێكدان، ئاگربەستی نێوان ئەمریكا و ئێران كۆتایی هاتووە و واشنتۆن ماوەماوە بۆردومانی پێگەكانی ناو خاكی ئێران دەكات، لە بەرانبەردا تاران بەرژەوەندییەكانی ئەمریكا لە ناوچەكە بەئامانج دەگرێت، هەردوولاش جەخت لە خۆبەدەستەوەنەدان و فشاركردن لەسەر یەك دەكەنەوە.