1 کاتژمێر پێش ئێستا
147 جار خوێنراوەتەوە
ئێران هێرشكردنە سەر دوو کەشتى لە گەرووی هورمز ڕاگەیاند
پەیام
سوپای پاسدارانی ئێران پێكانی دوو نەوتكێشی لە گەرووی هورمز ڕاگەیاند و داوایشی كرد كەشتییەكان گوێ بە ڕێنماییەكانی سێنتكۆم نەدەن.
پەیوەندییە گشتییەكانی سوپای پاسدارانی كۆماری ئیسلامیی ئێران ڕایگەیاند كە هێزە دەریاییەكانیان دوو نەوتكێشیان لە گەرووی هورمز كردووەتە ئامانج كە هەوڵیان داوە لە ڕێڕەوێكی ڕانەگەیەنراوەوە تێپەڕ بن و گوێیان بە ئاگاداركردنەوەكان نەداوە.
بەپێی ڕاگەیەنراوێكی پاسداران لەو بارەوە "چوار نەوتكێشی دیكەش دوای ڕووداوەكە ئاراستەی خۆیان گۆڕیوە و گەڕاونەتەوە".
سوپای پاسداران هۆشداری توندی داوەتە كۆمپانیاكانی كەشتیوانی كە گوێ بۆ ڕێنماییەكانی فەرماندەیی ناوەندیی هێزەكانی ئەمریكا "سێنتكۆم" نەگرن، چونكە دەستێوەردانە نایاساییەكانی ئەمریكا بێ وەڵام نامێننەوە.
سوپای پاسداران ڕایشیگەیاند: بانگەشەكانی سێنتكۆم بە بەردەوامیی هاتوچۆی كەشتیوانیی لە گەرووی هورمز بێ بەربەست و چاودێریی پاسداران درۆیە.
پاسداران ڕایشیگەیاند: لە سەپاندنی دەسەڵاتی تەواوەتی بەڕێوەبردن بەسەر هورمزدا بەردەوامین و بەرگریی لە بەرژەوەندییەكانی گەلی ئێران دەكەین و هیچ كەشتییەك بێ هەماهەنگی لەگەڵ هێزە دەریاییەكانمان تێناپەڕێت.
لە تۆڕە کۆمەڵایەتیەکان شەیری بکە