7 رۆژ پێش ئێستا
422 جار خوێنراوەتەوە
سەرۆكوەزیرانی عێراق: ڕێككەوتنەکەمان لەگەڵ توركیا گرنگ و ستراتیژییە
پەیام
عەلی زەیدی ڕایگەیاند، ڕێككەوتنی گواستنەوەی نەوتی عێراق لە ڕێگەی توركیاوە، هەنگاوێكی گرنگ و ستراتیژییە بۆ گەشەپێدان.
سەرۆكی ئەنجومەنی وەزیران، عەلی زەیدی، ئەمڕۆ شەممە جەختی كردەوە كە ڕێككەوتنی عێراق لەگەڵ توركیا سەبارەت بە گواستنەوە و باركردنی نەوتی خاوی عێراق لە ڕێگەی بۆریی عێراق-توركیاوە بۆ بەندەری جەیهان دەستكەوتێكی ستراتیژییە.
زەیدی لە پۆستێكدا لە هەژماری خۆی لە سەكۆی (ئێكس)، ڕایگەیاند: " ڕێككەوتنەكە دەستكەوتێكی ستراتیژی گرنگە بۆ دابینكردنی هەناردەی نەوت و بەهێزكردنی هاوكاریی ئابووری نێوان عێراق و توركیا، چونكە ئەمڕۆ هەردوولا ڕێككەوتنێكیان واژۆ كرد سەبارەت بە گواستنەوە و باركردنی نەوتی خاوی عێراق لە ڕێگەی بۆریی عێراق-توركیاوە بۆ بەندەری جەیهان، بە لانی كەم 750 هەزار بەرمیل لە ڕۆژێكدا."
ئاماژەی بەوەش كرد، "كۆمپانیا عێراقی و توركییەكان دەست بە ئەركەكانیان دەكەن لەم ئاراستەیەدا، لە كاتێكدا حكومەتی هەردوو وڵات، لە چوارچێوەی ڕێڕەوێكی دیراسەكراودا، كار دەكەن بۆ تەواوكردنی ڕێككەوتننامەیەكی چوارچێوەیی كە كەرتەكانی؛ نەوت، كارەبا، سەرچاوەكانی ئاو و بوارەكانی دیكەی هاوكاری دەگرێتەوە كە بەرژەوەندییە هاوبەشەكان بەهێز دەكەن و پاڵپشتی گەشەپێدان و سەقامگیری دەكەن.
لە تۆڕە کۆمەڵایەتیەکان شەیری بکە