پێشبینی نزمبوونەوەی پلەكانی گەرما و نمەباران لەم هەفتەیەدا دەكرێت

پەیام

كەشناسی عێراق پێشبینیەكانی بۆ دۆخی كەشوهەوا بڵاوكردەوە و ڕایگەیاند پێشبینی نزمبوونەوەی پلەكانی گەرما و نمەباران دەكرێت.

دەستەی كەشناسی عێراق ڕایگەیاند سبەینێ یەكشەممە دۆخی كەشوهەوا لەناوچەكانی ناوەڕاست و باشوور ئاسمان ساماڵ دەبێت و لەناوچەكانی باكوور هەور دەبێت و ئەگەری نمەباران لە هەندێك ناوچە هەیە.

كەشناسی ئاماژەی بەوەكردووە دۆخی كەشوهەوای دووشەممە ئاسمان هەور دەبێت لە هەندێك ناوچەكە و ئەگەری نمەباران لە ناوچەكانی ڕۆژهەڵات هەیە و سێشەممە پلەكانی گەرما كەمێك دادەبەزێت و ڕۆژی چوارشەممە پلەكانی گەرما كەمێك بەرزدەبێتەوە.

كەشناسیی هەرێمیش پێشبینی كردووە سبەی به‌رزترین پله‌كانی گه‌رما بەم شێوەیە بێت:-

هه‌ولێر: 41 پله‌ی سیلیزی 
پیرمام: 37 پله‌ی سیلیزی
سلێمانی: 39 پله‌ی سیلیزی
چه‌مچه‌ماڵ: 41 پله‌ی سیلیزی
دهۆك: 39 پله‌ی سیلیزی
زاخۆ: 40 پله‌ی سیلیزی 
هه‌ڵه‌بجه‌: 41 پله‌ی سیلیزی 
حاجی ئۆمه‌ران: 27 پله‌ی سیلیزی
گه‌رمیان: 44 پله‌ی سیلیزی