05/09/2026
2314 جار خوێنراوەتەوە
خواست لەسەر سەهۆڵی ژاپۆنی لە چێشتخانە گرانبەهاكانی جیهان زیاد بووە
پەیام
بەهۆی ئەو تایبەتمەندێتە ناوازەیەی هەیەتی، خواست لەسەر سەهۆڵی ژاپۆنی لە چێشتخانە ناوازە و گرانبەهاكانی جیهان زیادی كردووە.
كارگەی كوراموتو ئایس لە شاری كانازاوای ژاپۆنی ڕووبەڕووی خواستێكی زۆری بەرهەمە ناوازەكانی وەك "سەهۆڵی پوخت" بووەتەوە كە بەهۆی ئەوەی سەهۆڵەكە بەتەواوی ڕوونە و شێوەی زۆر ڕەقە و خاوە لە توانەوە، بووەتە بژاردەی یەكەمی چێشتخانە ناوازە و گرانبەهەكان لە جیهان.
بە وتەی (كازۆهیكۆ كۆرامۆتۆ) بەڕێوەبەری جێبەجێكار و نەوەی پێنجەمی خاوەنی كارگەكە "داواكاری لەسەر سەهۆڵی ناوازەی كارگەكەیان سنووری ژاپۆن تێدەپەڕێنێت و بووەتە داواكارییەكی جیهانی".
مێژووی دروستكردنی ئەو سەهۆڵە ناوازەیە لە ژاپۆن بۆ زیاتر لە سەد ساڵ دەگەڕێتەوە كە ئاوەكان لەنێو قاڵبەكان دەجوڵێنرێن بۆ لابردنی بڵقی هەوا و دواتر بۆ ماوەی هەفتەیەك دەخرێتە ژووری بەستن كە پلەكەی دەگاتە 20 پلە لەژێر سفری سەدی و لە خواردنەوە تێكەڵەكانی چێشتخانە و دامەزراوە خواردەمەنییە گرانبەها و ناوازەكانی ئوستوڕالیا، سەنگافوورە، ئەمریكا و وڵاتانی دیكەیش پێشكەش دەكرێت.
لە تۆڕە کۆمەڵایەتیەکان شەیری بکە