داهاتی ئەم هه‌فته‌یه‌ی سلێمانی 10 ملیار دینارە و 10% كه‌میكردووە

پەیام 

ماڵپه‌ڕی شه‌فافیه‌ت بڵاویكرده‌وه‌، داهاتی یه‌ك هه‌فته‌ی سلێمانی له‌ رۆژی 12ی 9 تاوه‌كو 18ی 9ی 2026، بڕی زیاتر له‌ 10 ملیار و 750 ملیۆن و 779 هه‌زار دیناره‌ و به‌راورد به‌ هه‌فته‌ی پێشووتر، به‌ڕێژه‌ی 10.912% كه‌میكردووه‌. 
 
ماڵپه‌ڕی شه‌فافیه‌ت بۆ چاودێری و رێكخستنی داهاته‌ نانه‌وتییه‌كانی سلێمانی و هه‌ڵه‌بجه‌ و هه‌ردوو ئیداره‌ی راپه‌ڕین و گه‌رمیان داهاتی یه‌ك هه‌فته‌ی راگه‌یاندووه‌، كە 10 ملیار و 750 ملیۆن و 779 هه‌زار و 188 دینار بووه‌ و 89% ی داهاته‌كه‌ به‌شێوه‌ی نه‌ختینه‌یه‌.

ئاماژه‌ی به‌وه‌شكردوه‌، نۆ ملیار و 537 ملیۆن و 881 هه‌زار و 838 دیناری واتا 89%ی داهاته‌كه‌ به‌ شێوه‌ی نه‌ختینه‌یه‌، بڕی ملیارێك و 212 ملیۆن و 897 هه‌زار و 350 دیناریشی به‌شێوه‌ی چه‌كه‌ كه‌ ده‌كاته‌ رێژه‌ی 11%ی كۆی گشتی داهاتی هه‌فته‌كه‌.

داهاتی هه‌فته‌ی پێشووتری سلێمانی واته‌ رۆژی 5ی 9 تاوه‌كو 11ی 9ی 2026، بڕی 12 ملیار و 67 ملیۆن و 560 هه‌زار و 871 دینار بوو، به‌مه‌ش رێژه‌ی داهاتی ئەم هه‌فته‌یە به‌ڕێژه‌ی 10.912% دابه‌زیوه‌.