1 کاتژمێر پێش ئێستا
110 جار خوێنراوەتەوە
ئهمریكا بودجهكهی له دهسهڵاتی فهلهستین بڕیوه و داوای پارهشی لێ دهكات
دادگای باڵای ئەمریکا ڕەتیکردەوە بڕیاری سەپاندنی ٦٥٥.٥ ملیۆن دۆلار قەرەبوو بەسەر دەسەڵاتی فەلەستینی و ڕێکخراوی ڕزگاریخوازی فەلەستیندا ڕابگرێت، کە دەدرێتە قوربانیانی ئەمریکیی هێرشەکانی نێوان ساڵانی ٢٠٠٢ بۆ ٢٠٠٤.
دادگای باڵای ئەمریکا داواکاریی لایەنی فەلەستینی بۆ ھەڵپەساردنی سزاکە ڕەت کردەوە، کە داوایان کردبوو تا کاتی یەکلاییبوونەوەی تانە پێداچوونەوە ڕابگیرێت. لەبەرانبەردا، لایەنی فەلەستینی ھۆشدارییان داوە لە لێکەوتەی مەترسیداری دارایی، خزمەتگوزاری و ئەمنیی ئەم بڕیارە لە کەناری ڕۆژئاوا.
بنەچەی دۆسیەکە دەگەڕێتەوە بۆ سکاڵایەکی مەدەنی کە لەلایەن کۆمەڵێک ئەمریکییەوە تۆمارکراوە، کە کەسوکاریان لەنێوان ساڵانی ٢٠٠٢ بۆ ٢٠٠٤ لە قودس و چەند ناوچەیەکی دیکەدا بەهۆی تەقەکردن و تەقینەوەوە کوژراون یان برینداربوون. لە ساڵی ٢٠١٥دا، دەستەی سوێندخۆرانی دادگایەکی فیدراڵی لە نیویۆرک بڕیاری دا بە پێدانی قەرەبوو بە بڕی ٦٥٥.٥ ملیۆن دۆلار بە سکاڵاکاران. بەڵام لە ساڵی ٢٠١٦دا، دادگای تێهەڵچوونەوەی بازنەی دووەم بڕیارەکەی هەڵوەشاندەوە بە پاساوی ئەوەی دادگا فیدراڵییەکە دەسەڵاتی دادوەریی بەسەر دۆسیەکەدا نییە.
لە تۆڕە کۆمەڵایەتیەکان شەیری بکە