2 کاتژمێر پێش ئێستا
29 جار خوێنراوەتەوە
سەرۆكی لیژنەی دارایی: سەرجەم فەرمانبەرانی گرێبەست لە بودجەدا جێگیر دەكرێن
پەیام
بڕگەی دامەزراندنی فەرمانبەرانی گرێبەست و مووچەكاری ڕۆژانە بە شێوەی هەمیشەیی خرایە نێو پڕۆژەیاسای بودجەی گشتیی فیدراڵی بۆ ساڵی 2027.
فالح ساری وەزیری دارایی لە كۆبوونەوەی لیژنەی باڵای ئامادەكردنی بودجەدا ڕایگەیاند: دەقی بەهەمیشەییكردنی كارمەندانی گرێبەست و مووچەكاری ڕۆژانەیان خستووەتە نێو ڕەشنووسی یاسای بودجەی گشتیی فیدراڵی بۆ ساڵی 2027.
ناوبراو ڕوونی كردەوە "ئەم بڕیارە دوای كاركردنی بەردەوامی فەرمانگە پسپۆڕەكانی وەزارەت هاتووە لە پڕۆسەی سەرژمێریكردنی داتاكان، هەژماركردنی تێچووی دارایی و دابینكردنی پارەی پێویست بۆ جێبەجێكردنی".
وەزیری دارایی ئاماژەی بەوە كرد وەزارەتەكە بە بەرپرسیارێتییەوە مامەڵەی لەگەڵ ئەم پرسەدا كردووە و دۆسیەكەی لە قۆناغی داواكارییەوە بۆ ڕێكاری فەرمی لە نێو بودجەدا گواستووەتەوە تاوەكو لەم ئاڕاستەیەوە كێشە كارگێڕییەكانیان چارەسەر بكرێت.
بەپێی زانیارییەكانیش ژمارەی گرێبەستەكان دەگاتە زیاتر لە 510 هەزار كەس.
لە تۆڕە کۆمەڵایەتیەکان شەیری بکە