1 کاتژمێر پێش ئێستا
110 جار خوێنراوەتەوە
تەقینەوەی تەنكەرێك لە دەروازەی باشماخ دوو قوربانیی لێكەوتەوە
پەیام
لە دەروازەی باشماخ تەقینەوەی ناوەندێكی فرۆشتنی سووتەمەنی بووە هۆی گیانلەدەستدانی دوو كەس.
نیوەڕۆی ئەمڕۆ لەسەر ڕێگەی پێنجوێن - باشماخ، ناوەندێكی كۆگاكردن و فرۆشتنی سووتەمەنی لەكاتی ئەنجامدانی كاری ئایزۆگامكردن تەقییەوە.
بەپێی زانیارییەكان، دوو كەس كە كارمەندی بەنزینخانەكە بوون و سەرقاڵی كارەكە بوون، بەهۆی تەقینەوەكەوە گیانیان لەدەست داوە.
بەپێی زانیارییەكانی پەیام، قوربانییەكان بەهۆی سەختی برینەكانیانەوە پێش گەیشتن بە نەخۆشخانە كۆچی دواییان كردووە و هۆكارەكەشی بۆ خنكان و كاریگەری تەقینەوەكە دەگەڕێتەوە.
یەكێك لە قوربانییەكان تەمەنی 30 ساڵە و خەڵكی ڕۆژهەڵاتی كوردستانە، قوربانییەكەی دیكەش تەمەنی 25 ساڵە.
ئێستایش، تەرمی قوربانییەكان بۆ پزیشكی دادوەری ڕەوانە كراوە. تیمەكانی فریاكەوتن ڕایانگەیاندووە كە لێكۆڵینەوە لە وردەكارییەكانی ئەم ڕووداوە دەستی پێكردووە تا هۆكاری تەواوەتی تەقینەوەكە بە ڕوونی ئاشكرا بكرێت.
لە تۆڕە کۆمەڵایەتیەکان شەیری بکە