2 کاتژمێر پێش ئێستا
95 جار خوێنراوەتەوە
پارەی ساڵی ڕابردووی جووتیاران دەدرێت و بۆ ئەمساڵیش هێشتا بڕیاری لێنەدراوە
پەیام
لەم هەفتەیەدا دابەشكردنی شایستە داراییەكانی ساڵی ڕابردووی جووتیان دەست پێ دەكات، بۆ ئەمساڵیش هێشتا هیچ بڕە پارەیەك سەرفنەكراوە.
نەوزاد شێخ كامیل، بەڕێوەبەری گشتیی بازرگانی وتی: بەغداد بڕی زیاتر لە 76 ملیار دیناری وەك شایستەی دارایی جووتیاران بۆ ساڵی ڕابردوو ڕەوانە كردووە و چەكی بانكیی ئەو بڕە پارەیە تەواوكراوە و لەم هەفتەیەدا جووتیارانی هەرێم پارەكەیان پێ دەگات.
وتیشی: شایستەی دارایی جووتیاران بۆ ئەمساڵ بە 300 ملیار دینار خەمڵێنراوە، بەڵام تا ئێستا هیچ بڕە پارەیەك بۆ ئەو مەبەستە خەرج نەكراوە و حكوومەتی عێراق بەڵێنی داوە لەمەودوا مانگانە بڕی 500 ملیار دینار خەرج بكات تا سەرجەم پارەی گەنمی جوتیاران بەتەواوی دابەش دەكرێت.
لە تۆڕە کۆمەڵایەتیەکان شەیری بکە