داهاتی ئەم هەفتەیەی سلێمانی 11 ملیارە و لەسەدا 17 كەمیكردووە

پەیام

ماڵپەڕی شەفافیەت بڵاویكردەوە، داهاتی ئەم هەفتەیەی سلێمانی 11.77 ملیار دینارە و ئه‌وه‌ش له‌ چاو هه‌فته‌ی رابردوو كە بڕەكەی زیاترلە 14 ملیار دینار بووە، به‌ڕێژه‌ی زیاتر له‌ 17.41% كه‌میكردووه‌.

بەگوێرەی ماڵپەڕی شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان، داهاتی ئەم هەفتەیەی سلێمانی لە 19ی 9 تا 25ی 9ی 2026، زیاتر لە 11 ملیارو 773 ملیۆن و 224 هەزار دینارە.

هەر بەگوێرەی ماڵپەڕەكە، لەو بڕە 68%ی نەختینەو 32%ی بەشێوەی چەكەو مەقاسە نزیكه‌ی سفرە.

به‌گوێره‌ی ماڵپه‌ڕه‌كه‌ داهاتی ئه‌م هه‌فته‌یه‌ی سلێمانی له‌چاو هه‌فته‌ی رابردوو، زیاتر له‌ 2.48 ملیار دینار و به‌ڕێژه‌ی زیاتر له‌ 17.41% كه‌میكردووه‌.