1 کاتژمێر پێش ئێستا
149 جار خوێنراوەتەوە
زەیدی: بە ڕەزامەندی ئەمریكا، ڕۆژانە 40 گەشت لە ئێرانەوە بۆ نەجەف دەستپێدەكاتەوە
پەیام
سەرۆكوەزیرانی عێراق ڕایگەیاند: بە ڕەزامەندی ئەمریكا، ڕۆژانە 40 گەشتی ئاسمانی بۆ كۆمپانیا ئێرانییەكان بۆ فڕۆكەخانەی نەجەف دەست پێدەكاتەوە.
نووسینگەی ڕاگەیاندنی سەرۆكوەزیرانی عێراق بڵاوی كردەوە: لە ئەنجامی هەوڵە دیبلۆماسییەكانی سەرۆكوەزیران، ڕێككەوتنێك بۆ دەستپێكردنەوەی گەشتە ئاسمانییەكانی كۆمپانیا ئێرانییەكان بۆ فڕۆكەخانەی نێودەوڵەتی نەجەف بەدەست هاتووە.
وەك لە ڕاگەیەنراوەكەدا هاتووە "بەپێی ئەم ڕێككەوتنە، ڕۆژانە 40 گەشتی ئاسمانی ئەنجام دەدرێت، بەڵام كۆمپانیای "ماهان" لەم بڕیارە بەدەر كراوە".
بەپێی ڕاگەیەنراوەكە "زەیدی سوپاسی هەڵوێستی ئەرێنیی ئیدارەی ئەمریكای كرد بۆ بڕیاردان لەم هاڵاوێردنە كە ئاسانكاری بۆ نەخۆشەكان، گەشتیارانی ئایینی و خێزانەكان دەكات و ئامانجی سەرەكی حكومەتی عێراقیش خزمەتكردنی هاووڵاتیان و بەهێزكردنی پەیوەندییە مرۆیی و ئابوورییەكانە لەگەڵ وڵاتانی دراوسێدا".
ئەم هەنگاوەی عێراق دوای ئەوە دێت كە لە بانگەوازێكدا، وەزارەتی دەرەوەی ئێران داوای لە عێراق كرد لەپێناو بەرژەوەندییەكانی هەر دوو وڵات، سنوورداركردنی گەشتە ئاسمانییەكانی نێوان هەر دوو وڵات هەڵبگیرێت و بڕیاری گونجاو بۆ گەڕانەوە بۆ دۆخی ئاسایی بدرێت.
لە تۆڕە کۆمەڵایەتیەکان شەیری بکە