دوو گرووپی دیكە ئامادەی ڕێككەوتنن و بەغداش لە گفتوگۆی بەردەوامدایە

پەیام

حكومەتی عێراق لەگەڵ گرووپە چەكدارەكان بۆ ڕادەستكردنی چەكەكانیان لە گفتوگۆدایە، دوو گرووپی دیكەش ئامادەی ڕێككەوتنن.

فوئاد حوسێن، وەزیری دەرەوەی عێراق ڕایگەیاند، پلانێكی ڕوون و خشتەیەكی كاتیی دیاریكراو بۆ جێبەجێكردنی ئەم پرسە داڕێژراوە و چاوەڕوان دەكرێت لایەنەكان پابەندی ببن. 

هاوكات لەگەڵ ئەم لێدوانانەدا، هەریەكە لە بزووتنەوەی «ئەنساروڵڵای ئەوفیا» و «كەتائیبی سەیدی شوهەدا» پابەندبوونی خۆیان بە بڕیارەكانی فەرماندەی گشتیی هێزە چەكدارەكان و ڕێككەوتنەكان بۆ پاراستنی سەروەریی عێراق و كۆتاییهێنان بە ئۆپەراسیۆنە سەربازییەكان ڕاگەیاند. 

لە لایەكی دیكەوە، وەزیری دەرەوە جەختی لەوە كردەوە، كە بەغدا خوازیاری دروستكردنی هاوبەشییەكی بەرگریی دووقۆڵییە لەگەڵ ویلایەتە یەكگرتووەكانی ئەمریكا و پەرەپێدانی پەیوەندییە سەربازییەكانی لەگەڵ وڵاتانی دیكەشدا.

دوای 12 ساڵ لە مانەوەیان، هێزەكانی هاوپەیمانیی نێودەوڵەتی رۆژی 30ی 9ی 2026 لە چوارچێوەی ڕێككەوتنێكدا لە عێراق كشانەوە، لەگەڵئەوەشدا كار بۆ ئەوە دەكرێت سەرجەم گرووپە چەكدارەكان لە عێراق چەكەكانیان ڕادەستی دەوڵەت بكەن و لەگەڵ حكومەتی عێراق ڕێكبكەون.