2 کاتژمێر پێش ئێستا
81 جار خوێنراوەتەوە
بۆ دۆزینەوەی 18 كۆچبەری عێراقی لە لیبیا، پشكنینی دی ئێن ئەی دەكرێت
پەیام
باڵیۆزخانەی عێراق لە لیبیا هەماهەنگیی بەپەلەی لەگەڵ ڕێكخراوی مانگی سوور و لایەنە پەیوەندیدارەكان دەستپێكردووە بە مەبەستی ئەنجامدانی پشكنینی دی ئێن ئەی بۆ ئاشكراكردنی چارەنووسی 18 كۆچبەری عێراقی كە پێشتر بە شێوەیەكی نایاسایی چوونەتە نێو خاكی ئەو وڵاتەوە.
ئەحمەد سەحاف، كاربەڕێكەری باڵیۆزخانەی عێراق لە لیبیا ڕایگەیاند، كە بە شەو و ڕۆژ كار دەكەن و هەماهەنگی لەگەڵ وەزارەتەكانی دەرەوە لە بەغدا و تەرابلوس دەكەن بۆ هەمان مەبەست.
ڕوونیشیكردەوە كە پەیوەندی بە كەسوكاری بێسەروشوێنەكانەوە دەكرێت بۆ دابینكردنی پێداویستییە یاسایی و كارگێڕییەكان بۆ مانگی سووری عێراق و تەرابلوس، بە ئامانجی تەواوكردنی ڕێكارەكانی پشتڕاستكردنەوەی ناسنامەی كۆچبەرەكان، هەروەها لەگەڵ وەزارەتی ناوخۆ و فەرمانگەی پەیوەندییەكانی دەرەوەی حكوومەتی هەرێمی كوردستانیش لە هەماهەنگیدان.
ناوبراو ئاماژەی بەوەش كرد باڵیۆزخانە بەردەوام زانیاری لەسەر ژمارەیەكی دیكەی ئەو كۆچبەرانە ئاڵوگۆڕ دەكات كە گومانیان لێدەكرێت لە ڕێگەی لیبیاوە بە نایاسایی بەرەو ئەورووپا پەڕیبێتنەوە، باسی لەوەش كرد پێشتر لە ڕێگەی لیژنەیەكی پزیشكیی پسپۆڕەوە نموونەی پشكنینی دی ئێن ئەی لە كەسوكاری ونبووەكان وەرگیراوە.
لە تۆڕە کۆمەڵایەتیەکان شەیری بکە