1 کاتژمێر پێش ئێستا
95 جار خوێنراوەتەوە
عێراق: لە چەتری هاوپەیمانییەوە دەپەڕێینەوە بۆ پەیوەندیی دووقۆڵی لەگەڵ جیهان
پەیام
فەرماندەیی گشتیی هێزە چەكدارەكانی عێراق ڕایدەگەیەنێت: ڕاگەیاندنی كۆتاییهاتنی ئەركی هاوپەیمانیی نێودەوڵەتی لە عێراق و گۆڕانی بۆ پەیوەندیی دووقۆڵی، وەك دەستكەوتێكی ئەمنی و سەروەریی نیشتمانی هەڵسەنگاندنی بۆ دەكرێت.
'سەباح نوعمان "وتەبێژی فەرماندەیی گشتیی هێزە چەكدارەكانی عێراق ڕایگەیاند: ئێستا هێزە ئەمنییەكانی عێراق بە تەواوی كۆنتڕۆڵی ڕەوشی ئەمنییان لەدەستدایە و وڵاتەكەی پەڕەی ئەركەكانی هاوپەیمانیی نێودەوڵەتیی هەڵداوەتەوە.
ناوبراو لە لێدوانێكدا بۆ ئاژانسی هەواڵی عێراقی (واع) ڕایگەیاند: " ڕۆژی سەروەری "ئەنجامی قوربانییدانی گەلی عێراق و شەهیدان و بریندارەكانە.
وتیشی: عێراق لە قۆناغی كاركردن لەژێر چەتری هاوپەیمانییەوە بەرەو قۆناغی هاوتایی لەگەڵ هاوپەیمانان هەنگاوی ناوە و پەیوەندییەكانیان لەمەودوا دەبنە پەیوەندیی دووقۆڵی.
وتیشی: جیهان ئەمڕۆ بەرانبەر ڕێزگرتن لە قوربانییدانی عێراقییەكان و ئازایەتییان ڕاوەستاوە كە بە كۆتایی ئەركی هاوپەیمانیی نێودەوڵەتی و كۆتاییهاتنی ئۆپڕاسیۆنەكانیان گەیشتە لوتكە.
بەپێی قسەی وتەبێژی فەرماندەیی گشتیی هێزە چەكدارەكانی عێراق وڵاتەكە دوای 12 ساڵ لە هاوكاری لە بەرەنگاربوونەوەی تیرۆردا، ئیدی پێویستی بە بوونی ئەم هێزانە نەماوە و چوارچێوەی كاركردن لەگەڵیان بووەتە هاوكاریی دووقۆڵی.
لە تۆڕە کۆمەڵایەتیەکان شەیری بکە