1 کاتژمێر پێش ئێستا
86 جار خوێنراوەتەوە
توركیا: لەسەدا 65ی بازاڕی درۆن و تەقەمەنییەكانمان كۆنترۆڵكردووە
پەیام
توركیا جارێكی دیكە خۆی وەك یەكەم لەسەر ئاستی جیهان لە پیشەسازیی فڕۆكەی بێفڕۆكەوان نیشان دا و ڕایگەیاند: %65ی بازاڕی درۆن و تەقەمەنییەكانی كۆنتڕۆڵ كردووە.
لە شاری شانلی ئۆرفا لە باكووری كوردستان و لە پەراوێزی فێستیڤاڵی "تەكنۆفێست" لە فڕۆكەخانەی گاب، "موراد ئیكینجی" بەڕێوەبەری گشتیی كۆمپانیای "ڕۆكێتسان" ی توركی بۆ پیشەسازیی مووشەك و ئەندازیاریی بەرگری ڕایگەیاند: توركیا بە جیاوازییەكی زۆر و بە ڕێژەی 65 لەسەد دەستی بەسەر بازاڕی درۆن و تەقەمەنییەكانی لە جیهاندا گرتووە.
موراد ئیكینجی ڕایشیگەیاند: ڕۆكێتسان تەنها كۆمپانیایەكی بەرگریی نییە، بەڵكو كۆمپانیایەكی تەكنەلۆجییە و ئامانجی بەدیهێنانی سەربەخۆیی نیشتمانی و پاڵپشتیكردنی وڵاتانی دۆستە لە بوارەكانی مووشەك و تەكنەلۆجیای بۆشایی ئاسمان.
سەبارەت بە توانای مرۆیی، ڕوونی كردەوە "لە كۆی زیاتر لە 8 هەزار كارمەند، نزیكەی 4 هەزاریان ئەندازیاری بواری توێژینەوە و گەشەپێدانن، بەوەش ڕۆكێتسان بووەتە یەكێك لە سێ گەورەترین كۆمپانیاكانی توێژینەوە لە توركیا".
وتیشی: سەركەوتن بەسەرپەرشتیكردنی تەكنەلۆجیای داهاتوو دەهێندرێتە دی.
لە تۆڕە کۆمەڵایەتیەکان شەیری بکە