1 کاتژمێر پێش ئێستا
109 جار خوێنراوەتەوە
ئێران: چارەنووسی ئەو كەشتییانەی یاسا پێشێل دەكەن، گڕگرتنە
پەیام
كەشتیەكی نەوتهەڵگر لە گەرووی هورمز مینی پێدا تەقیەوە و ئاگری تێبەڕبوو، سوپای پاسدارانی ئێران جەخت دەكاتەوە لەوەی گەرووی هورمز داخراوە.
هێزی دەریایی سوپای پاسدارانی ئێران بڵاویكردەوە: لەكاتی هەوڵدان بۆ تێپەڕبوون بە گەرووی هورمز بە ئاراستەیەكی ڕێگەپێنەدراو مینێكی دەریایی بە كەشتیەكی نەوتهەڵگری گەورەدا تەقییەوە كە زیاتر لەدوو ملیۆن نەوتی خاوی هەڵگرتووە و بەو هۆیەوە تەقینەوە ڕوویدا و كەشتیەكە ئاگری تێبەربوو.
هێزی دەریایی سوپای پاسدارانی ئێران باسی لەوەكرد ئەو كەشتیەی ئاگری تێبەربوو سەرجەم ئامێرەكانی دیاریكردنی شوێنەكان و ڕادارەكانی كوژاندوەتەوە وەك هەوڵێك بۆ تێپەڕبوون بە گەرووی هورمز بە پشتیوانی سوپای ئەمریكا.
هێزی دەریایی سوپای پاسدارانی ئێران جەختی كردەوە لەوەی گەرووی هورمز داخراوە و هۆشداریدایە ئەو كەشتیانەی یاسا و ڕێنماییەكانی ئێران تایبەت بە دەریاوانی لە گەرووی هورمز پێشێل دەكەن و دەڵێت: چارەنووسی ئەو كەشتیانەی یاساكانی ئێران پێشێل دەكەن، گڕگرتنە.
لە تۆڕە کۆمەڵایەتیەکان شەیری بکە