پارەی بەرمیلێك نەوت لە عێراق تەنها یەك دەبە نەوت دەكات لە هەرێم

پەیام    

لە عێراق بەرمیلێك نەوت بە 30 هەزار دینار دابەشدەكرێت لە كاتێكدا لە هەرێم دەبەیەك نەوت بە 31 هەزار دینار دەستدەكەوێت.
پەیامنێری پەیام لەناو بازاڕی سلێمانی، ڕایگەیاند، ئەمڕۆ نرخی دەبەیەك نەوت گەیشتووەتە 31 هەزار دینار لە كاتێكدا ئەو پارەیە لە شارەكانی دیكەی عێراق بەرمیلێك نەوتی پێ دەكڕدرێت.
وتیشی "بەهۆی بەرزی نرخی نەوتەوە نەوتفرۆشەكانی ناوبازاڕ دەڵێن هاوڵاتییان تەنیا پرسیاری نرخی نەوت دەكەن و بەهۆی بەرزی نرخەوە ناتوانن بیكڕن".

هۆكاری گرانی نرخی نەوت لە بازاڕەكانی هەرێم بەهۆی بێ باكی حكومەتی ماوەبەسەرچووی هەرێمەوەیە كە بیر لە دابینكردنی نەوت بۆ هاوڵاتییان ناكاتەوە و چاوەڕێی بەغدایە نەوت بۆ هەرێم بنێرێت.
نرخی نەوتی پاڵپشتیكراو لەشارەكانی عێراق بە 30 هەزار دینارە، بەڵام لە هەرێمی كوردستان زیاترلە 100 هەزار دینارە، ئەو نرخە پاڵپشتیكراوەی هەرێم ئەگەرچی زیاترلە سێ هێندەی عێراقە بەڵام لەگەڵئەوەشدا هێشتا ڕانەگەیەندراوە كە هەرێم كەی بیر لە دابەشكردنی دەكاتەوە، هەربۆیە لە ئێستادا لە بازاڕەكانی هەرێم بۆ بەرمیلێك نەوت بۆ 320 هەزار دینار بەرزبووەتەوە.