16 خولەک پێش ئێستا
7 جار خوێنراوەتەوە
ئەنجوومەنی پارێزگای كەركووك بۆ هەڵبژاردنی پارێزگاری نوێ كۆدەبێتەوە
پەیام
بڕیارە ئەمڕۆ ئەنجوومەنی
پارێزگای كەركووك بۆ هەڵبژاردنی پارێزگاری نوێ كۆببێتەوە.
بەپێی بانگهێشتنامەیەك،
ئەمڕۆ14ی 11ی 2026 ئەنجوومەنی پارێزگای كەركووك بە مەبەستی دەستلەكاركێشانەوەی پارێزگاری
ئێستا و كردنەوەی دەرگای خۆپاڵاوتن بۆ پۆستی پارێزگار كۆبوونەوەی نائاسایی خۆی ئەنجام
دەدات.
بەپێی ڕاگەیەنراوەكە كۆبوونەوەكەی
كاتژمێر دووی پاشنیوەڕۆی ئەمڕۆ لە هۆڵی كۆبوونەوەكانی ئەنجوومەنی پارێزگا بەڕێوە دەچێت
و تێیدا جێگرەوەیەك بۆ محەممەد سەمعان ئاغا پارێزگاری ئێستای كەركووك كە هاوكاتە وەزیری
دەوڵەتیشە لە حكوومەتدا هەڵدەبژێردرێت.
بەپێی زانیارییەكان
دوو پاڵێوراو لە بەرەی توركمانی بۆ وەرگرتنی ئەو پۆستە تا كۆتایی ئەمساڵ هەن كە ئەوانیش
هەر یەك لە: ماردین گۆك قایا ئەندامی مەكتەبی سیاسی بەرەی توركمانی و قەحتان وەنداوی
بەرپرسی لقی كەركووكی بەرەكەن، بەڵام ئەمەی دووەمیان چانسی وەرگرتنی پۆستەكەی زیاترە.
ئەمەو ڕۆژی چوارشەممەی
هەفتەی ڕابردوو ئەنجوومەنی پارێزگای كەركووك لە ئەنجامدانی دانیشتنی هەڵبژاردنی
پارێزگاری نوێ شكستی هێنا.
لە تۆڕە کۆمەڵایەتیەکان شەیری بکە