24 خولەک پێش ئێستا
14 جار خوێنراوەتەوە
نرخی زێڕ دابەزینێكی میژووی تۆماركرد و بەپێی پێشبینییەكان زیاتر دادەبەزێت
پەیام
نرخی جیهانیی زێڕ دابەزینێكی
میژووی تۆمار كرد و پێشبینییەكانیش ڕوو لە دابەزینی زیاترن.
ئەمڕۆ 20ی تشرینی دووەمی
2026، نرخی جیهانیی ئۆنسەی زێڕ گەیشتە 3 هەزار و 559 دۆلار و لە ماوەی 24 كاتژمێری
ڕابردوودا بە ڕێژەی 3.62% دابەزیوە.
زێڕ بەرزترین ئاستی مێژوویی
خۆی لە 29ی كانوونی دووەمی 2026 بە 5 هەزار و 595 دۆلار بۆ هەر ئۆنسەیەك تۆمار كردووە كە 57.21% لە نرخی ئێستا بەرزترە، هەروەها نزمترین ئاستی
لە 25ی ئابی 1999 بە 251 دۆلار و 71 سەنت بووە كە 92.9% لە نرخی ئێستا نزمترە.
بەپێی ئەو داتایانەی بڵاو
كراونەتەوە ئاراستەی ئێستای بازاڕ نیشانی دەدات كە 70%ی وەبەرهێنەران پێگەی فرۆشتنیان
هەیە، شیكارییەكانیش پێشبینی دەكەن لە ساڵی 2026ـدا بۆ خوار سێ هەزار دۆلار دابەزێت
و لە پێنج ساڵی داهاتوویشدا لەو مەودایەدا هەڵبەز و دابەز بكات.
بەپێی نرخەكانی ئەمڕۆ لە
بازاڕی هەرێمی كوردستان نرخی یەك مسقاڵ زێڕی عەیار 21 بە 880 هەزار و عەیار 18یش بە
754 هەزار دینار مامەڵەی پێوە دەكرێت.
لە تۆڕە کۆمەڵایەتیەکان شەیری بکە