27 خولەک پێش ئێستا
96 جار خوێنراوەتەوە
مووشەكێكی ڕووسی لە پۆڵەندا كەوتەخوارەوە و لێكۆڵینەوەش لە كەوتنی درۆنێك دەكرێت
پەیام
دەسەڵاتدارانی پۆڵەندا كەوتنەخوارەوەی
مووشەكێكی رووسی لە باشووری رۆژهەڵاتی وڵاتەكە لە كاتی هێرشە ئاسمانییەكەی شەوی
رابردووی سەر ئۆكرانیا ڕاگەیاند و لێكۆڵینەوە لە گومانی كەوتنی مووشەكێكی دیكە و
درۆنێكیش دەكرێت.
ڤلادیسلاڤ كۆسینیاك كامیش،
وەزیری بەرگریی پۆڵەندا ڕایگەیاند، لە سێ شوێن پشكنین دەكەن؛ زانیارییە سەرەتاییەكان
دەریدەخەن مووشەكێك لە گوندی نۆڤی لیپۆڤیتس كەوتووەتە خوارەوە و رەنگە لە شوێنی
دووەم مووشەك و لە سێیەم درۆنێكی جێت كەوتبێتە خوارەوە و هیچ كەسێك و دامەزراوەیەك
زیانی پێنەگەیشتووە.
هاوكات، بەهۆی پێشێلكردنی
ئاسمانی وڵات و دۆخی ئەمنیی ناوچەی بیلگۆرای، دۆناڵد توسكی سەرۆكوەزیرانی پۆڵەندا
كۆبوونەوەیەكی بەپەلەی حكومەتەكەی راگەیاند.
تیمەكان لە گوندەكانی نۆڤی
لیپۆڤیتس، مۆڵۆدیچ و رودنیك ناد سانیم بەدوای پاشماوەكاندا دەگەڕێن.
ئەم رووداوە مەترسیی
كشانی جەنگ بۆ وڵاتانی دراوسێ دەردەخات و گرنگییەكی سیاسی و ئەمنیی هەیە؛ چونكە پۆڵەندا
ئەندامی ناتۆیە، رێگای سەرەكیی گەیاندنی چەك و هاوكاریی رۆژئاوایە بۆ ئۆكرانیا، زیاتر
لە ملیۆنێك ئاوارەی ئۆكرانی لەخۆگرتووە و لە دانوستانەكانی داهاتووی ئەمریكاشدا بۆ
چارەسەری جەنگ و یەكێكە لە پێنج وڵاتە نوێنەرەكەی ئەورووپا.
لە تۆڕە کۆمەڵایەتیەکان شەیری بکە