16 خولەک پێش ئێستا
76 جار خوێنراوەتەوە
بەبێ گرژی هێزەكانی عێراق دۆسیەی ئەمنیی جورفولسەخریان گرتە دەست
پەیام
هێزە هاوبەشە عێراقییەكان
بەبێ دروستبوونی هیچ گرژییەك چوونە ناو جورفولسەخر و دۆسیەی ئەمنیی ناحیەكەیان
گرتە دەست.
نیوەڕۆی ئەمڕۆ شانەی ئەمنیی
عێراق لە كۆنگرەیەكی ڕۆژنامەوانیدا دەستپێكی ئۆپەراسیۆنی چوونی هێزە هاوبەشەكانی بە
ئاڵای عێراقەوە بۆ جورفولسەخر و وەرگرتنی دۆسیەی ئەمنیی ڕاگەیاند؛ سبەی شەممە ڕێگاكە
بۆ هاووڵاتییان دەكرێتەوە و چەكدارانی حیزبوڵڵاش لە مانگێكدا بەیەكجاری ناوچەكە جێدەهێڵن.
لە كۆنگرەكەدا، فەریق ڕوكن
ئەحمەد حاتەم كردنەوەی بارەگای كۆنترۆڵی بە فەرماندەیی خۆی، چوونی چوار لیوای حەشدی
شەعبی، پۆلیسی فیدراڵی، پۆلیسی وزە و هێزەكانی دیكە و ئاڵوگۆڕی بەردەوامی پۆستەكانی
بە ڕاسپاردەی سەرۆكوەزیران ئاشكراكرد.
بەرپرسی لیواكەی حەشدی شەعبی
پابەندییان بە فەرمانی دەوڵەت و سەرۆكوەزیران بۆ ئاڵوگۆڕی كەرتە ئەمنییەكان و
كپكردنەوەی دەنگە فیتنەگێڕەكان دووپاتكردەوە، پۆلیسی وزە و فەرماندەكەشی تەواوكردنی
كارەكان و ئامادەباشییان بۆ پاراستنی وزە، نەوتی عێراق، جورفولسەخر و پێنج كیلۆمەتر
بۆریی نەوت ڕاگەیاند.
لە تۆڕە کۆمەڵایەتیەکان شەیری بکە