08/09/2025
384 جار خوێنراوەتەوە
بە تەنیا لە یەک ڕۆژدا زیاترلە هەزار كۆچبەری نایاسایی گەیشتوونەتە بەریتانیا
پەیام
تەنیا رۆژی شەممە زیاتر لە هەزار كۆچبەری نایاسایی گەیشتنە بەریتانیا، لەندەنیش پلان بۆ ئەوە دادەنێت پەنابەران بخاتە ناو سەربازگەوە.
وەزارەتی ناوخۆی بەریتانیا ڕایگەیاند، تەنیا ڕۆژی شەممەی ڕابردوو نزیكەی هەزار و 97 كۆچبەری نایاسایی لەڕێی دەریاوە گەیشتوونەتە شانشینە یەكگرتووەكانی بەریتانیا، ئەمەش ژمارەی پەنابەرانی لەڕێی كەناڵی (مانچ)ـەوە كە دەكەوێتە نێوان فەرەنسا و ئینگلتەرا تەنیا بۆ ئەمساڵ گەیاندە 30 هەزار كەس.
هەڵكشانی ژمارەی كۆچبەرانی نایاسایی حكومەتی حزبی كرێكارانی بەریتانیای خستووەتە دۆخێكی سەختەوە، بەوپێیەی لە هەڵبژاردنەكاندا بەڵێنی ئەوەیان دا سنوورێك بۆ ئەم دیاردەیە دابنێن بەڵام لەبری سنووردانان ڕێژەكە زیادیكردووە.
لای خۆیەوە شەبانە مەحموود، وەزیری نوێی ناوخۆی بەریتانیا ڕایگەیاند ئەم ژمارە گەورانە قبوڵ ناكرێن و هەر جۆرە بژاردەیەك بۆ ڕێگری لە كۆچبەران تاوتوێ دەكات. ڕاشیگەیاند: بەمزووانە كۆچبەران بۆ فەرەنسا سنوورداش دەكەنەوە.
لای خۆیەوە جۆن هێڵی، وەزیری بەرگریی بەریتانیا ڕایگەیاند: حكومەت پلان بۆ ئەوە دادەنێت، كە پێگەی سەربازی یان نا سەربازی بۆ كۆكردنەوە و نیشتەجێبوونی ئەو كەسانە دابین بكات كە داوای مافی پەنابەری دەكەن.
ئەمەش دوای ئەوە هات بەشێك لە چالاكوان و هاووڵاتیانی بەریتانیا ڕەخنە لە حكومەت دەگرن، كە پەنابەران دەخاتە ناو ئوتێلەوە و لەسەر خەرجیی حكومەت و وەرگرتنی باج لە خەڵك دەیانژیەنێت.
لە تۆڕە کۆمەڵایەتیەکان شەیری بکە