دەرهاوێشتەکانی دۆخی سیاسێ هەرێم لەخولانەوەی قەیراندا

هەرێمی کوردسنان وەک بەشێکی لکێنراو بەمەرکەزیەت و ساڵانێکە لەلایەن دوو حزبەوە بەڕێوەی دەبەن لەگەڵ ڕووداوەکاۆندا چەندین کێشە و دواتریش بوون بە قەیرانی بەدوای خۆیدا هێناوە، بەئەندازەیەک قەیرانگەلێک هەن سێستەمێک پیادە دەکەن، تێکەڵەیەکە لە حزب و برنس و حکومەنداریی، تاکو ئێستاش یەخەی تاک تاکی ئەم کوزدستانەی گرتووە و ڕێچکەیەکی دەگەڕێتەوە بۆ سەردەمانێکی زوو بە ئاریشە و ململانێیەکی توند لە سەردەمی شاخ، دواتر گەڕانەوە بۆ کایەی شارستانێتی و کارگێڕی و مەدەنی و پڕۆسەیەکی نیمچە چەکداری، کە تاکو ئێستاش ئەم عەقلیەتە لە مۆخی هەر یەکێکیاندا ماوەو لەگتڵیدا ڕاهاتوون.

سیاسەتی ئێستای کورد بە عێراقیشەوە کەوتووەتە دەست پیاوانی بزنس و ناسیاسی و نامۆڕاڵی و ئیداریی، بەیەقینەوە کار بۆ سیستەمی سەرمایەداری دەکرێت و هاوڵاتیانی بێ دەرەتانیش بە کۆمەڵک دەردەوە دەناڵێن،

زک کوشین و گیرفان بڕین و ماف زەوتکردن کراوەتە پڕۆسەیەک هتەنگاو بە هەنگاو کارەکانی خۆی پەیڕەو دەبات و دەسەڵاتدارانیش بێباکانە خۆیان لێ لاڵ دەکەن و تەماشاکارانی ڕووداوەکانن، ئەوە وێڕای ئەوەی پرسە نیشتمانی و بنەڕەتیەکانی کوردستانی بوون بەرەو ئەوپەڕی کاڵبوونەوە چووە و سیاسیەکان بەرنامەیەکیان نەبووە لەسەرێ ڕێکبکەون بۆ دامەزراوەکانی حکومڕانیەنی، کە تاکو هەنووکە پەرلەمان نیە، حکومەت نیە و کاربەڕێکەرە، گێژەلووکەیەک ئیدارەی چۆنیەتی بەڕێوەبردنی قەیرانەکان دەکات و لێکیان دەکشێنێتەوە و دەست بۆ چارەسەرێ هەر پرسێک ببردرێت، قەیرانێکی تری لێوە چەکەرە دەکات.

دەکرێت بەڕوونی  بڵێم ئەو سیستەمە بۆ هەرێمی کوردستان بە هەموو پێوەرێک نامۆیەو پێویستی بەچاکسازی و دووبارە بەبنیات نانەوەی ئەو هەیە، کە دژە گەندەڵی و پەیڕەوکردنی شەفافیەت و بوێری لە بڕیاردان و بەڕێوەبردندا دەستێکی ئەمین ببینرێت

عێراق....بەو هەموو دۆخە سیاسێ و سەربازی و ئەمنی توند دا تێدەپەڕێت، دەیان و سەدان وەزیرو وەکیل و بەڕێوەبەرایتیە جۆراوجۆرەکانی ناو کابینە یەک لەدوای یەکەکان ئاشکرا دەکات و دەستگیر دەکرێن  یان ڕاو دەنرێن و لە وڵات دەردەکرێن و چەندین کاردانەوەی تر، کەچی لە هەرێم هیچ بەرپرسێک دادگایی، یان دەستگیر ناکرێن، بەڵکو چاوپۆشی لە تاوانەکانیان دەکرێن پەنا دەدرێن.

حاڵ و گوزەرانی سیاسیەکانی ئەم هەرێمە خۆیان و منداڵەکانیان لەنازو نیعمەتێک دان،هەریەکەیان خاوەن بزنس و کۆمپانیا و ڕابواردنی خۆیەتی، ئیتر کەسانی گێل و گەمژەو نەزانیش بەدوایان کە،وتوون سەرەڕای ناکۆکی لەسەر ئەوەی وەزارەتێک بۆ ئەم و وەزارەتێک بۆ ئەویتر حکومەت پێکنەهاتووە و کێشەی زۆر ئاڵێنراوە بەملی هاوڵاتیانەوە، پشک پشکێنەی حزب و بەش بەشێنە و مەترسی دوو ئیدارەیی هەڕەشەیەکی ترن بۆ  گەردەنی حکومڕانی سیاسی تەندروست..

خاڵی گزنگی هەموو ئەم کێشانە نالۆژیکی سیستەمی سیاسێ و نەبوونی دامەزراوە یاساییەکانە، کاتێک دەسەڵاتی یاسادانان و جێبەجێکار بە ئەرکی خۆیان هەڵناستن و دەست بۆ پرسێ تر دتبردرێت و هەریەکەیان کارێکی وا دەکەن، بوونەتە سەر ئێشە بۆ میللەت، بۆ نموونە دەسەڵاتی یاسادانان ( پەرلەمان، کە ئێستا بوونی نیە) لە بری ئەوەی یاسا بۆ خەڵک دانێت بۆ ئەوەی گوزەرانی خۆش بێت وەک بەڵێنیان دابوو، کەچی یاسا دژ بەداب و نەریتەکانی ئیسلام دادەڕێژێت و دژی بیروباوەڕی هاوڵاتیانی  گورد، کە زۆرینە موسڵمانە، یاسا دادەڕێژێت و ئۆڤەری حکومەنی دەکات و دەستکاری پیرۆگرامی خوێندن و خوێندنی باڵا و ڕێخۆشکەر بووە، بۆ لادان لە دینی ئیسلام.

ئیترعێراقیش بەو هەموو ڕەخنانەی ئاڕاستەی دەکرێن، زۆرترین خزمەتگوزاری و پێدانی مووچە لە ئان و ساتی خۆیدا بت فەرمانبەران دەدات، کە بەدەیان قەیرانیشەوە دەورە دراوەو گیرۆدەی ململانێی مەزهەبی و گەندەڵی و ساختەکاری زۆر توندبووە، حزبەکان لەوێ حیساب بۆ یەکتر ناکەن، مەرجەعیەت باڵایە، هەوڵێک بۆ هێناکایەی دیکتاتۆریەت و کۆکردنەوەی دەسەڵات لە دەستی کەسێک، کە تەحەکوم بە تەواوی پێکهاتە و نەتەوەو ئایینەکانی ترەوە دەکات، کە ئەمەش دیوێکی تری کێشە قوڵەکانی عێراقە لەدوای ٢٠٠٣ دا.

کێشە جۆراوجۆرەکان لەم وڵانەدا هێندە قوڵ و ڕەگ داکوتراون،ئەستەم بووە دەربازبوونی، چونکە نیەتی باشی دەسەڵات لەلایەک و حزبەکانیش وەک پێکهێنەری ئەم حکومڕانیە بەدی ناکرێت و بێهیوایی تاک تاکی هاوڵاتی و جەماوەر لە دوو ڕیانێکدان یەکانگیر نین بۆ تێپەڕاندنی ئەم پڕۆسەیە.

پڕۆسەیەک دیدگاۆ ڕێگایەکی تاریکی گرتووەتەبەر، دەست لەملانێی کێشەکانە و لە یەکەمەوە تاکو کۆتایی خولیا و هیوای خەمخۆرانی ئەم ئەزموونە بەتاڵ دەکانەوە، چونکە هەندێ فریادڕەس کاتێک خۆیان نمایش کردو، زوو دۆڕان و سەریان لەلایەکی ترەوە دەرهێنا.

لەم ڕوانگەیەوە پڕۆسەی سێاسی لەوپەڕی بێهیواییدایە بە هەندێ لە تێگەیشتنی ئەفرادەکانی دەسەڵاتیشەوە، بۆیە بەم حاڵەوە هیچ بەرهتمێکی لێ سەوز نەبووەۆ نابێت...