26/03/2021
546 جار خوێنراوەتەوە
قهیس خزعهلی ڕێككەوتنی هەرێم و بەغدا لەبارەی شەنگالەوە به خیانهت ناودهبات
پهیام
ئەمینداری گشتیی بزوتنەوەی عەسائیبی ئەهلی حەق داوای هەڵوەشاندنەوەی ڕێككەوتنی هەرێم و بەغدا لەبارەی شەنگالەوە دەكات و بە خیانەت وەسفی دەكات.
قەیس خەزعەلی لە تویتێكدا رایگەیاندووە پێویستە ئەو ڕێككەوتنەی كە لەنێوان هەرێم و بەغدا كراوە رابگیرێت و جێبەجێ نەكرێت و چارەسەرێكی دروست بۆ دۆخی ئەو ناوچەیە بدۆزرێتەوە.
خەزعەلی رێككەوتنەكە بە گریبەستێكی سیاسی بۆ هەڵبژاردنەكان لەسەر بەرژەوەندی ئێزیدییەكان ناودەبات و بەردەوامی ئەو گرێبەستەش بە گەڕانەوەی شنگال بۆ دۆخی رابردووی وێنا دەكات و دەڵێت "لەكاتێكدا رۆڵەكانیان لە هێزە ئەمنیەكان و بەسەركردایەتی حەشدی شەعبی خوێنێكی زۆریان رشت تا ئازادیان كردەوه".
خەزعەلی هۆشداری دەدات لە ئەگەری تێكچوونی دۆخەكە لەو ناوچەیەدا و پێكدادانی سەربازی بەدوور نازانێت و داوا لە حكومەت دەكات بەر لەوەی دۆخەكە لەدەست دەربچێت كارە راستەكە ئەنجام بدات و ڕێككەوتنەكە رابگرێت.
لەبەشێكی تری تویتەكەدا خەزعەلی رێككەوتنەكە وەك كۆنترۆڵكردنی شنگال لە بەرژەوەندی رەجەب تەیب ئەردۆغان ناودەبات.
لە تۆڕە کۆمەڵایەتیەکان شەیری بکە