منداڵەکەم زۆر جنێو دەدات

زۆرێك لە دایک و باوکەکان هەست بەشەرمەزاری و بێزاری دەکەن، کاتێك خۆیان لە ئاستێکی بەرزدا دەبیننەوە و سەیریش دەکەن منداڵەکەیان قسەی ناشیرین و جنێو دەدات، دایک و باوکی بەرێز پێویستە هەمیشە ئەوەت لە بیربێت منداڵ لە پڕۆسەی لاساییکردنەوەدایە، بەردەوام هەوڵدەدات رەفتار و قسەکانی چواردەوری  دووبارە بکاتەوە، دەتوانین بڵێین: منداڵەکان لەم چەند رێگەیەوە فێری قسەی نەشیاو دەبن:
ـ لەخێزانەوە فێردەبێت؛ کاتێک ئەبینێت دایک و باوک سوکایەتی بەیەکتری ئەکەن و قسەی ناخۆش بە یەکتری ئەڵێن لەبەردەم منداڵەکەیان
ـ یاخود لە ڕێگەی هاوڕێکانییەوە فێر بووە؛ (هاوڕێی  گەڕەك، قوتابخانە ، خزمەکانی).
ـ یاخود لە ڕێگەی سۆشیال میدیا و تۆڕە کۆمەلایەتیەکان و شاشەی تەلەفیزیۆنەوە.

بۆ چارەسەرکردنی ئەم گرفتەس پێویستە ئەم هەنگاوانە بگیرێتەبەر:
1. دایک و باوک هەوڵبدەن گفتووگۆ و مامەڵەیەکی گونجاو لەگەڵ منداڵ بکەن، بەهیچ شێوەیەک نابێت توندوتیژی بەرانبەر بکرێت.
2. هەوڵبدەن دووری بخەنەوە لە تۆڕە کۆمەڵایەتییەکان، یاخود زۆر کەمی بکەنەوە و بیخەنە ژێر چاودێری خۆیانەوە.
3. لەسەر بنەمای پاداشت مامەڵەی لەگەڵ بکەن، بۆ نمونە هەرکات دوورکەوتەوە لە وشەی نەشیاو، پاداشت بکرێت و هەرکاتێکیش جنێوی دا پاداشت نەکرێت.
ئەگەر بەم ڕێگایانە چارەسەر نەکرا، یاخود منداڵەکە رەفتاری توندتر و هەڵەی تری هەبوو، ئەوە دەتوانن داوای هاوکاری لە کەسانی پسپۆڕ بکەن.

هەستیار عەلی
چارەسەرکاری دەروونی منداڵان و نەوجەوانان