07/06/2025
525 جار خوێنراوەتەوە
دوو ڕۆژە ڕووسیا هێرشی ئاسمانیی گەورە دەكاتە سەر ئۆكرانیا
پەیام
سوپای
ڕووسیا لە هێرشەكانی بۆ سەر ئۆكرانیا بەردەدەوامە، بەهۆی بۆردومانەوە چوار كەس لە
كیڤی پایتەخت كوژران و لە خاركیڤیش لانیكەم 10 كەس بریندار بوون.
دەسەڵاتدارانی ئۆكرانیا ڕایانگەیاند، سوپای ڕووسیا بە سەختی
بۆردومانی كێڤی پایتەختی كردووە و، بەهۆی ئەو بۆردومانانەش چوار كەس كوژراون.
هەروەها بە پێی سەرچاوەكانی هەواڵ، سوپای ڕووسیا لە ڕێی
درۆنی تەقینەوە و موشەكەوە، بۆردومانی سەختی شاری خاركیڤی لە ڕۆژهەڵاتی ئۆكرانیا
كردووە، بەهۆی ئەو هێرشانەوە كە ناوەڕاستی شارەكەیان بەئامانج گرتووە، لانیكەم 10
كەس بە سەختی بریندار بوون، ژمارەیەك ئاگری گەورەیش كەوتوونەتەوە.
هێرشەكانی ڕووسیا بۆ سەر ناوچە جیاوازەكانی ئۆكرانیا دوو
ڕۆژە بە سەختی دەستی پێكردووە و، بەپێی ڕاگەیەندراوی سوپای ڕووسیا ژمارەك بنكە و
بارەگای سەربازی بەئامانج گیراوە، ئەوەش وەك كاردانەوە لە بەرانبەر هێرشەكانی هەفتەی
ڕابردووی ئۆكرانیا بۆ سەر فڕۆكەخانە سەربازییەكانی ڕووسیا كە زیانی گەورەی بە هێزی
ئاسمانیی ئەو وڵاتە گەیاند.
لە تۆڕە کۆمەڵایەتیەکان شەیری بکە