07/06/2025
832 جار خوێنراوەتەوە
هۆشیار زێباری دان بەوەدا دەنێت بە قاچاخ بردنی نەوت هەیە
پەیام
سەرەڕای ئەوەی وەزیری سامانانە سروشتیەكانی هەرێم ڕەتیدەكاتەوە
هیچ بڕەنەوتێك بە قاچاخ ببرێتە دەرەوە، بەڵام هۆشیار زێباری بەرپرسی باڵا پارتی
دان بەوەدا دەنێت كە بە قاچاخ بریدنی نەوت هەیە.
لە دیدارێكی تەلەفزیۆنیدا لەگەڵ كەناڵی سكای نیوز بەشی
زمانی عەرەبی، هۆشدار زێباری ئەندامی دەستەی كارگێڕی مەكتەبی سیاسی پارتی دیموكراتی
كوردستان، دانی بەوەدا نا كە هەناردەكردنی نەوت بە قاچاخ هەیە، بە بێ ئەوەی بڕەكەی
ئاشكرا بكات و وتی: ڕێژەیەكی كەم و سنووردارە.
ئەوە لە كاتێكدایە كە كەمال محەمەد وەزیری سامانە سروشتیەكانی
حكومەتی ماوەبەسەرچووی هەرێمی كوردستان بەر لە دوو ڕۆژ لەمەوبەر ڕایگەیاند: ئەو نەوتەی
بەرهەم دێت لە ناوخۆدا ساخ دەكرێتەوە و هیچ بڕە نەوتێك بە قاچاخ نابرێتە دەرەوە
چونكە لە سنوورەكان چاودێری هەیە.
لێدوانەكەی وەزیری سامانە سروشتیەكان لە كاتێكدایە كە ڕۆژانە
سەدان تەنكەر بە بەرچاو هاووڵاتیانەوە لە سنوورەكانەوە دەبرێتە توركیا و ئێران.
لە تۆڕە کۆمەڵایەتیەکان شەیری بکە