بڕیارەكەی ترەمپ بۆ ڕێگری لە گەشتی هاوڵاتیانی 12 وڵات چووە بواری جێبەجێكردنەوە

پەیام 

بڕیارەكەی دوناڵد ترەمپ، سەرۆكی ئەمریكا بۆ ڕێگریكردن لە سەردانی هاووڵاتیانی 12 وڵاتی دیاریكراو بۆ ئەمریكا ئەمڕۆ چووە بواری جێبەجێكردنەوە.

میدیاكانی ئەمریكا بڵاویانكردوەتەوە، بڕیاری ڕێگریكردن لە گەشتی هاووڵاتیانی 12 وڵات بۆ ئەمریكا لەمڕۆوە چوەتە بواری جێبەجێكردنەوە و لە تەواوی باڵیۆزخانە و دەروازەكانەوە ڕێگری لە گەشتی هاووڵاتیانی ئەو وڵاتانە دەكرێت، یاخود فیزایان پێ نادرێت.

بەپێی بڕیاری دوناڵد ترەمپ، هەریەكە لە هاووڵاتیانی "ئەفغانستان، میانمار، چاد، كۆنگۆ، غینیا، ئیریتیریا، هایتی، ئێران، لیبیا، سۆماڵ، سودان و یەمەن" ڕێگرییان لێ دەكرێت لەوەی كە گەشتی ئەمریكا بكەن، بە پاساوی ئەوەی مەترسین بۆ سەر ئاسایشی نیشتیمانی ئەمریكا.

بڕیارەكەی سەرۆكی ئەمریكا هاووڵاتیانی ئاسایی ئەو وڵاتانە دەگرێتەوە كە خاوەنی پاسپۆرتی ئاسایین، بەڵكو بڕیارەكە كەسایەتییە وەرزشیی و سیاسیی و دیبلۆماسییەكانی ئەو وڵاتانەی لێ بەدەركردووە، ئەوانە بەپێی ڕێنماییە بەركارەكانی یاسای كۆچ و پێدانی فیزای ئەمریكا دەتوانن فیزای ئەمریكا وەربگرن.