4 کاتژمێر پێش ئێستا
96 جار خوێنراوەتەوە
ئەمریكا سزای نوێ بەسەر ئێراندا دەسەپێنێت
پەیام
گەنجینەی ئەمریكا سزای نوێ بەسەر ئێراندا دەسەپێنێت و هێرشی ئەلیكترۆنی دەكرێتە سەر بانكەكانی ئێران.
وەزارەتی گەنجینەی ئەمریكا ڕایگەیاند: سزای نوێی بەسەر ژمارەیەك قەوارە و كەسی پەیوەست بە ئێران سەپاندووە و سزاكان ژمارەیەك كەشتی و قەوارە و كۆمپانیاش لەخۆدەگرێت، كە كەرەستە بە سوپای پاسداران دەدەن.
سزا نوێیەكانی ئەمریكا لە كاتێكدا دێت كە ململانێ لە نێوان ئێران و قەوارەی زایۆنی سەریهەڵداوە و لە بەرەبەیانی ڕۆژی هەینی ڕابردووەوە هەردوولا بۆردومانی یەكدی دەكەن و بووەتە هۆكاری زیانی ماددی و مرۆیی زۆر بۆ هەردووكیان.
هاوكات وتەبێژی حكومەتی ئێران ڕایگەیاند: هێرشە ئەلیكترۆنییەكان ژێرخانی زیندەیی ئەو وڵاتەیان كردووەتە ئامانج و بووەتە هۆكاری دروستبوونی كێشە لە كاری بانكەكاندا.
وتەبێژەی حكومەتی ئێران ڕایشگەیاند: سەپاندنی كۆت و بەند بەسەر هێڵی ئینتەرنێتدا وەك ڕێوشوێنێكی ئەمنیی بۆ پاراستنی هاووڵاتیان و وڵات گیراوەتەبەر، لەنێو هەڕەشەكانی قەوارەی زایۆنیدا.
لە تۆڕە کۆمەڵایەتیەکان شەیری بکە