5 کاتژمێر پێش ئێستا
88 جار خوێنراوەتەوە
نێردەی عێراق لە ئەنجومەنی ئاسایش: فڕۆكەکانی ئیسرائیل بواری ئاسمانیمان دەبەزێنێت
پەیام
نێردەی عێراق لە ئەنجومەنی ئاسایشی نێودەوڵەتی ڕایگەیاند: پێش كۆبوونەوەی نەتەوە یەكگرتووەكان سەبارەت بە ململانێكانی نێوان ئێران و قەوارەی زایۆنی 50 فڕۆكەی جەنگی زایۆنی بواری ئاسمانی عێراقیان بەزاندووە.
كازم عوبێد فەتلاوی نێردەی عێراق لە نەتەوە یەكگرتووەكان بە ئەنجومەنی ئاسایشی نێودەوڵەتی ڕایگەیاند: فڕۆكە جەنگییەكانی زایۆنی لە ناوچە سنوورەكانی سووریا و ئەردەنەوە هاتوون، وتیشی: سەرەتا 20 فڕۆكە هاتوون و بەدوای ئەوانیشدا 30 فڕۆكەی دیكە هاتوون بەرەو باشووری عێراق ڕۆیشتوون و بەسەر ئاسمانی شارەكانی بەسرە و نەجەف و كەربەلادا فڕیون.
فەتلاوی ڕایشیگەیاند: ئەو بەزاندنەن پێشێلكردنی یاسا نێودەوڵەتی و پەیماننامەی نەتەوە یەكگرتووەكانە.
هەروەها وتی: بەهۆی گرنگی شوێنە پیرۆزەكان بۆ گەلەكەمان، ئەو كارە دەبێتە هەڕەشە بۆ سەر شوێن و ناوچە پیرۆزەكان و كاردانەوەی جەماوەری بەهێز بەدوای خۆیدا دەهێنێت.
لە تۆڕە کۆمەڵایەتیەکان شەیری بکە