6 کاتژمێر پێش ئێستا
95 جار خوێنراوەتەوە
بیل كلینتۆن: نەتەنیاهوو لەڕێى جەنگەوە دەیەوێت بۆ هەمیشە لە دەسەڵاتدا بمێنێتەوە
پەیام
سەرۆكێكی پێشتری ئەمریكا ڕایدەگەیەنێت: نەتەنیاهوو بۆیە هێرش دەكاتە سەر ئێران بۆ ئەوەی بۆ هەمیشە لە دەسەڵاتدا بمێنێتەوە.
بیل كلینتۆن، سەرۆكی پێشتری ئەمریكا لە دیمانەیەكی تەلەفزیۆنیدا ڕایگەیاند: بنیامین نەتەنیاهوو بۆیە دەیەوێت شەڕ دژی ئێران بكات چونكە لەم ڕێگەیەوە دەتوانێت بۆ هەمیشە لە پۆستەكەیدا بمێنێتەوە، لە ماوەی 20 ساڵی ڕابردووشدا بە هەمان شێوە مامەڵەی كردووە.
كلینتۆن ئاماژەی بەوە داوە "پێویستە ئەمریكا دۆخەكە ئارام بكاتەوە و ئومێدی هەیە بەوەی ترەمپ ئەم كارە ئەنجام بدات"، ڕایشیگەیاند: پێویستە دۆستەكانمان لە ڕۆژهەڵاتی ناوەڕاست باوەڕ پێ بهێنین كە ئێمە لەگەڵیاندا دەوەستین و پارێزگارییان لێ دەكەین.
ئەو سەرۆكە دیموكراتەی پێشتری ئەمریكا باسی لەوەش كردووە "بژاردەی جەنگ بژاردەیەكی باش نییە، چونكە قوربانییە سەرەكییەكانی خەڵكی مەدەنین كە تێوەگلانی سیاسییان نییە و دەیانەوێت بژین".
بیل كلینتۆن كە لە ساڵی 1993 تاكو 2001 سەرۆكی ئەمریكا بووە، راشیگەیاندووە: لە سەردەمی سەرۆكایەتییمدا هەوڵم دا بۆ ڕێگەگرتن لە ئێران بۆ گەیشتن بە چەكی ئەتۆمی، تا ڕاددەیەكیش سەركەوتوو بووین، بەڵام پێویستە ڕێگە بگرین لە ئێران بەبێ ئەوەی جەنگ ڕوو بدات و خەڵك بكوژرێت.
لە تۆڕە کۆمەڵایەتیەکان شەیری بکە