4 کاتژمێر پێش ئێستا
102 جار خوێنراوەتەوە
پووتن: بە ئیسڕائیلمان وتووە هیچ بەڵگەیەك نییە ئێران هەوڵ بۆ چەكی ئەتۆمی بدات
پەیام
سەرۆكی ڕووسیا دەڵێ: هیچ بەڵگەیەك نییە بیسەلمێنێت ئێران هەوڵ بۆ بەدەستهێنانی چەكی ئەتۆمی دەدات و ئەمەمان بە ئیسڕائیل گەیاندووە.
لە دیمانەیەكی ڕۆژنامەوانیدا، ڤلادیمێر پۆتن سەرۆكی ڕووسیا ڕایگەیاند: ڕووسیا چەندینجار ئیسڕائیلی لەوە ئاگادار كردووەتەوە نە لای ڕووسیا و نە لای ئاژانسی نێودەوڵەتیی وزەی ئەتۆم هیچ بەڵگەیەك نییە لەسەر ئەوەی بیسەلمێنێت ئێران هەوڵ بۆ بەدەستهێنانی چەكی ئەتۆمی بدات.
سەرۆكی ڕووسیا ئاشكرای كرد "چەند بیرۆكەیەمان پێشكەش ئێران و قەوارەی زایۆنی كردووە لەبارەی ئەوەی چۆن ململانێی بەردەوامی خۆیان ڕابگرن".
پووتن ڕایشیگەیاندووە: ڕووسیا ئامادەیە بۆ ئەوەی هاوكاریی ئێران بكات لە پەرەپێدانی بەرنامەی ئەتۆمیی ئاشتیانە. جەختیشی كردووەتەوە، تاران مافی خۆیەتی پەرە بە بەرنامەی ئاشتیانەی ئەتۆمی بدات.
لێدوانەكانی پووتن لەكاتێكدایە پێشتر ئێران چەندینجار جەختی لەوە كردووەتەوە لەسەر فەتوای خومەینی دروستكردنی چەكی ئەتۆمی بە حەرام دەزانن، بەڵام بەرنامە ئەتۆمییەكەیان لەپێناو مەبەستی ئاشتییدایە لە نموونەی بەرهەمهێنانی كارەبا و بەكارهێنانی بۆ بابەتی شارستانیی دیكە.
لە تۆڕە کۆمەڵایەتیەکان شەیری بکە