4 کاتژمێر پێش ئێستا
87 جار خوێنراوەتەوە
لە یەمەنەوە هەڕەشە لە ئەمریكا دەكرێت ئەگەر بەشداریی جەنگی سەر ئێران بكات
پەیام
حوسییەكانی یەمەن هەڕەشەی بەئامانجگرتنی كەشتییەكانی ئەمریكا دەكەن ئەگەر ئەو وڵاتە بەشداری لە جەنگی سەر ئێران بكات.
لە ڕاگەیەنراوێكی تەلەفزیۆنییدا، یەحیا سەریع وتەبێژی سەربازیی حوسییەكانی یەمەن ڕایگەیاند: ئەگەر ئەمریكا هێرش بكاتە سەر ئێران كەشتییە بازرگانیی و سەربازییەكانی لە دەریای سوور بۆردومان دەكەین.
یەحیا سەریع ڕایشیگەیاند: هێزەكانمان چاودێریی سەرجەم جووڵە دەریاییەكان لە ناوچەكە دەكەن، لەوانە ئەو جووڵانەی دژ بە وڵاتەكەمان ئەنجام دەدرێن و هەر ڕێوشوێنێكی ڕێپێدراو بۆ بەرگریی لە وڵاتەكەمان و گەلەكەمان پێویست بێت ئەنجام دەدەن.
وتەبێژی سەربازیی حوسییەكان ڕایشیگەیاند: جەنگ لەگەڵ ئیسڕائیل كە دەستدرێژیی دەكاتە سەر ئێران جەنگی سەرجەم ئوممەتی ئیسلامییە.
ئەو وتیشی: لە پشتی هەر وڵاتێكی عەرەبی و ئیسلامی دەوەستین كە لەلایەن قەوارەی زایۆنییەوە هێرشی بكرێتە سەر، یان بڕیار بدات ڕووبەڕووی ئەو قەوارەیە بداتەوە.
هەڕەشەی نوێی حوسییەكان بە هێرشكردنە سەر كەشتیگەلی ئەمریكی لەكاتێكدایە سەرەتای ئایار، مانگی پێنجی ئەمساڵ ویلایەتە یەكگرتووەكانی ئەمریكا و حوسییەكانی یەمەن ڕێككەوتنێكی كاتییان بۆ ڕاگرتنی هێرشەكانیان بۆ سەر یەكدی ڕاگەیاند.
لە تۆڕە کۆمەڵایەتیەکان شەیری بکە