18 کاتژمێر پێش ئێستا
123 جار خوێنراوەتەوە
بەهۆى بەردەوامى هێرشەکانەوە دەیان غەززەیی دیکە شەهیدبوون
پەیام
جەنگی سەر كەرتی غەززە 638 ڕۆژە بەردەوامە و ئەمڕۆیش زیاتر لە 40 فەڵەستینی دیكە شەهید بوون.
بەپێی زانیارییە میدیاییەكان، ئەمڕۆ سوپای زایۆنی بۆردومانی چەند ناوچەیەكی فراوانی لە كەرتی غەززە كرد لە نێویاندا كەمپی بریج و ناوچەی مەواسی لە خانیونس و ناوچەی شێخ ڕزوان لە باكووری كەرتەكە و بەهۆیەوە تا ئێستا 42 فەڵەستینی شەهید و دەیانی دیكە بریندار بوون.
كۆمەڵگەی پزیشكیی ناسر ڕایگەیاندووە: تەرمی نۆ شەهید گەیەنراونەتە نەخۆشخانەكەیان كە سیانیان منداڵن و لە نۆرەی وەرگرتنی هاوكارییەكاندا بە گوللەی سوپای زایۆنی پێكراون.
بەڕێوەبەری نەخۆشخانە مەیدانییەكان باسی لەوەش كردووە "كەمی سووتەمەنی دۆخێكی كارەساتباری دروست كردووە و گەیشتوون بە كەمترین ئاستی دابینكردنی خزمەتگوزارییەكان بۆ برینداران، هێشتایش قەوارەكە ڕێگری لە گەیشتنی سووتەمەنی دەكات".
لای خۆیەوە سەرۆكی تۆڕی ڕێكخراوە مەدەنییەكانی فەڵەستین بڵاوی كردەوە: كەرتی غەززە هەڕەشەی داڕمانی تەواوەتی بەهۆی قەیرانی سووتەمەنییەوە لەسەرە.
ئەو وتیشی: غەززە پێویستی بە 275 هەزار لیتر سووتەمەنی ڕۆژانەیە و ئەوەی بەردەستە تەنیا كەمتر لە نیوەی ئەو بڕەیە.
لە تۆڕە کۆمەڵایەتیەکان شەیری بکە