سەرۆكایەتیی ‏نوێی دادگای فیدراڵی کۆبووەوە و باسى مووچەی هەرێمى نەكرد

پەیام 

 دادگای باڵای فیدڕاڵی كۆبوونەوەی یەكەمی ڕاوێژكاریی بە سەرۆكایەتییە ‏نوێیەكەی ئەنجامدا و هیچ باسێكی مووچەی هەرێم نەكرا.

دادگای باڵای فیدراڵی، ئەمڕۆ كۆبوونەوەی یەكەمی ڕاوێژكاریی بە سەرۆكایەتییە ‏نوێیەكەی و ئامادەبوونی ئەندامەكانی كرد، بە مەبەستی گفتوگۆ دەربارەی شێوازی كاری دادگا.

بەپێی سەرچاوەكانی هەواڵ، ئامادەبووان جەختیان كردەوە لە پابەندبوونی دادگای باڵای فیدراڵی لە بێلایەنی و هاوسەنگی لە تەماشاكردنی ‏هەموو لایەنە سیاسییەكان؛ بەجۆرێك مەبەست و مەرامی دادگا پاراستنی سیستمی سیاسی لە عێراق و ‏ڕێزگرتن لە مافە دەستوورییەكانی پێكهاتەكانی گەلی عێراق بێت.

گەرچی بڕیاربوو دادگای باڵای فیدراڵی لەم هەفتەیەدا لەسەر پرسی مووچەی هەرێم كۆبێتەوە، بەڵام كۆبوونەوەكەی ئەمڕۆ تەنیا ڕاوێژكاریی بوو هیچ باسێكی مووچەی هەرێمی تێدا نەكرا.