10 کاتژمێر پێش ئێستا
123 جار خوێنراوەتەوە
ترەمپ: ڕۆژی دووشەممە ڕاگەیەنراوێكی گرنگ لەبارەی ڕووسیاوە دەردەكەم
پەیام
لە هەنگاوێكی چاوەرواننەكراودا دۆناڵد ترەمپ ڕایدەگەیەنێت، دووشەممەی داهاتوو ڕاگەیەنراوێكی گرنگ لەبارەی ڕووسیاوە دەردەكات.
لە دیدارێكی میدیاییدا دۆناڵد ترەمپ، سەرۆكی ویلایەتە یەكگرتووەكانی ئەمریكا ئاماژەی بە هەوڵە سەرنەكەوتووەكان كرد لەبارەی ڕاگرتنی جەنگی ئۆكرانیا و دانوستان لەگەڵ ڕووسیا، لەوبارەیەوە ڕایگەیاند: ڕۆژی دووشەممەی داهاتوو ڕاگەیەنراوێكی گرنگ لەبارەی ڕووسیاوە دەردەكات. ڕەتیشی كردەوە هیچ زانیاری و وردەكارییەك لەبارەی ئەو ڕاگەیەنراوەوە ئاشكرا بكات.
ئەم لێدوانەش دوای ئەوە دێت چەند ڕۆژێك لەمەوبەر ترەمپ ڕایگەیاند بێزار بووە لە ڤلادیمیر پووتن، سەرۆكی ڕووسیا بەهۆی بەردەوامییدانیەوە بەجەنگی ئۆكرانیا.
پرسی جەنگ لەنێوان ڕووسیا و ئۆكرانیا یەكێك لە دۆسیە گرنگەكانی میدیای ئەمریكیە وترەمپیش لە سەرجەم دیدارەكانیدا ئاماژەی پێ دەدات، بەتایبەت دوای ئەوەی لە بانگەشەكانی هەڵبژاردنی ئەمریكادا ترەمپ چەندین جار ڕایگەیاندبوو، ئەگەر وەك سەرۆك هەڵببژێردرێت ئەوا لە ماوەی 24 كاتژمێردا جەنگ ڕادەگرێت.
لە تۆڕە کۆمەڵایەتیەکان شەیری بکە