پارتی و یەكێتیی لە پیرمام كۆدەبنەوە

پەیام

بڕیارە ئەمڕۆ هەردوو مەكتەبی سیاسیی پارتی و یەكێتیی لە پیرمام، لە بارەی كێشەی مووچە و یەكهەڵوێستی كورد لە بەغدا و هەروەها پرسی پێكهێنانی كابینەی دەیەمی حكومەتی هەرێم كۆببنەوە.

بەپێی هەواڵی میدیای پارتی و یەكێتی، لە كۆبوونەوەكەدا باسی پێكهێنانی كابینەی دەیەمی حكوومەتی هەرێمی كوردستان و هەوڵ و هەنگاوەكانی هەناردەكردنەوەی نەوت و پرسی مووچە دەكرێت.

كۆبوونەوەی ئەمڕۆی هەردوو مەكتەبی سیاسی پارتی و یەكێتی لە ئاستی باڵا بەڕێوە دەچێت و شاندی پارتی لە هەر یەك لە نێچیرڤان بارزانی، مەسرور بارزانی، فازڵ میرانی، سیداد بارزانی، هۆشیار زێباری و مەحموود محەممەد. شاندی یەكێتیش لە بافڵ تاڵەبانی، قوباد تاڵەبانی، ڕەفعەت عەبدوڵڵا، دەرباز كۆسرەت ڕەسول و نزار ئامێدی پێكهاتوون و مەسعود بارزانیش سەرۆكایەتی كۆبوونەوەكە دەكات.

كۆبوونەوەكەی یەكێتی و پارتی لەكاتێكدایە كە فەرمانبەرانی هەرێمی كوردستان مووچەی دوو مانگیان وەرنەگرتووە.