شتیگن بە تووڕەییەوە وەلامی هانسی فلیکی داوەتەوە

پەیام سپۆڕت - مەڕوان تاڵیب

مارک ئاندریا تێر شتیگنی ئەڵمانی و گۆڵپاریزی یانەی بەرشەلۆنە بە تووندی وەڵامی هانسی فلیکی هاونیشتیمانی داوەتەوە.

 ڕۆژی یەکشەممە ستاف و یاریزانانی بەرشەلۆنە کۆتاییان بە پشووی هاوینەیان هێنا و بۆ ئامادەکاری پێش وەرز گەڕانەوە.

یەکێک لەوانەی گەڕایەوە شتیگنی گۆڵپارێز بوو، بەپێی زانیارییەکانی تۆڕی کادینا سێری ئیسپانی بێت، گفتوگۆیەک لە نێوان فلیکی ڕاهێنەر و شتیگن ڕوویداوە، ڕاهێنەرە ئەڵمانییەکە بە گۆڵپارێزەکەی وتووە بۆ وەرزی نوێ بە سەرەکی بەشداری پێ ناکات و وەک سێیەم بژاردە مامەڵەی لەگەڵدا دەکات.

تۆڕەکە ئاماژە بەوەش دەکات، شتیگن لە وەڵامدا بە تووڕییەوە بە فلیکی وتووە، کە بۆ پێکهاتەی سەرەکی دەجەنگێت و هیچ نیازێکی نییە ڕیزەکانی بەرشەلۆنە جێبهێڵیت و کێشەشی نییە لەوەی وەک یەدەگ مامەڵەی لەگەڵدا بکرێت، چونکە ئامانجی ململانێیە لەگەڵ خوان گارسیا و چیزینیدا.